Fasi fa u sa paati di Waktitoren ku dee brochure fuu

Fa u sa bigi Bëibel studie a di fosu sata u tuwalufumu-liba

„Hii u tuu kë ko sabi unfa u sa ko abi wan suti wosudendu libi, nasö u? [Da di sëmbë pasi faa piki.] Bëibel ta taki u wan soni di hii sëmbë a di wosudendu sa du, u ko abi wan suti wosudendu libi. De musu lei taa de lobi wotowan, leti kumafa Gadu ta lei taa a lobi u.” Lesi Efeise 5:1, 2 ku palaglaaf 4 a bladsëidë 155 u di Bëibel lei-buku.

A Waktitoren 1 december

„U ta pasa a hii sëmbë kölö sö, u ko taki ku de u Gadu. U sabi taa na hii sëmbë ta pakisei di wan fasi te a nama a soni u Gadu. I si kuma gaan së u sëmbë ta si ën kuma wan sëmbë di aan fii da u ö, naa de ta si ën kuma wan mati di ta booko ën hedi ku u? [Da di sëmbë pasi faa piki.] Di Bëibel tëkisi aki ta piki u unfa Gadu kë taa u ku ën musu ko dë. [Lesi Jakobosi 4:8a.] Di Waktitoren aki ta taki u dii soni di u sa du u kö möön zuntu u Gadu.”

BROCHURE: Haika Gadu nöö joo libi u teego!

Lei di sëmbë dee soni dee dë a bladsëidë 2 ku 3, nöö taki: „I bi o kë libi a wan goonliba kuma di i ta si a di peentje aki ö? [Da di sëmbë pasi faa piki.] Gadu buku ta paamusi u taa, abitimöön Gadu o mbei di goonliba ko toon wan gaan hanse kamian ka libisëmbë o ta libi bööböö, nöö de an o ta siki nasö ta pena möön. Luku andi u musu du u sa libi naandë. [Lesi di tëkisi u Jesaaja 55:3 di sikifi a liba u bladsëidë 3.] Di tëkisi aki ta piki u taa u musu ’ko a’ Gadu, nöö u ’haika’ ën. Ma unfa u ta haika Gadu?” Go a bladsëidë 4 ku 5, nöö un taki fëën. Ee aan ten, i sa disa di buku dëën, nöö i mbei wan buka ku ën u toona go nëën fuun luku di piki makandi.