Fasi fa u sa paati di Hei Wakitimawosu ku dee brochure fuu

Di Hei Wakitimawosu 1 u tuwalufumu-liba

„U nango a dee sëmbë u di pisi wata aki kölö sö u heepi de u si taa di Bëibel an taanga u fusutan. Sömëni sëmbë ta lesipeki di Bëibel, ma de ta si kuma a taanga poi u fusutan. Unfa ii ta si di Bëibel? [Da di sëmbë pasi faa piki.] Luku faandi mbei u musu kë ko fusutan dee soni dee sikifi a di Bëibel [Lesi Loomë 15:4.] Di buku aki ta lei unfa u du sabi taa de sikifi di Bëibel u sëmbë fusutëën. Söseei a ta piki u andi da wantu soni di u sa du fuu sa ko fusutan dee soni dee sikifi a di Bëibel.”

Brochure: Gadu abi bunu buka da u!

„Mi ko a i aki tide u di sëmbë ta booko de hedi ku dee soni dee ta pasa a goonliba. I si kuma soni sa ko möön bunu ö? [Da di sëmbë pasi faa piki.] Hia sëmbë ta foondo te de ko lei sabi taa di Bëibel abi bunu buka di ta heepi u fuu dë ku di mëni taa woo feni wan bunu libi a di ten di ta ko. Aki i ta si wantu hakisi di di Bëibel ta piki.” Dëën di brochure, nöö hakisi ën undi u dee hakisi dee dë a baka u di brochure a bi o kë feni piki fëën. Baka di dë go a di woto dë, nöö lei ën unfa u ta lei sëmbë soni. Seeka iseei u toona go nëën u luku di woto hakisi u di woto dë.