Fasi fa u sa paati di Waktitoren ku dee brochure fuu

A Waktitoren 1 yanuari

„A ta djei kuma di ganjan di dee tiima u di goonliba aki ta ganjan sëmbë an o kaba möönsö. Unfa ii pakisei, faandi mbei a djei kuma an o kaba möönsö? [Da di sëmbë pasi faa piki.] Mi feni taa di soni di di Bëibel taki aki bunu seei. [Lesi Peleikima 7:20.] A di Waktitoren aki joo si fa Bëibel ta taki taa di soni aki o ko a wan kaba. Luku aki, disi da u fii. Gaantangi lesi ën.”

BROCHURE: Gadu abi bunu buka da u!

„Sömëni sëmbë lo’ u begi, möönmöön te de dë ku fuka. Iseei ta begi so juu ö? [Da di sëmbë pasi faa piki.] I si kuma Gadu ta haika hii begi ö, nasö an lo’ so begi? [Da di sëmbë pasi faa piki.] Mi abi wan brochure aki di ta lei u unfa u sa feni dee piki dee Bëibel ta da, u dee hakisi aki. [Dëën wan buku, nöö un luku di fosu palaglaaf u woto 12 makandi, söseei un lesi dee tëkisi ka sikifi „lesi”.] An dë wan gaan soni u si taa Gadu kë haiki u ö? Ma ee u kë Gadu haika dee begi fuu, nöö u musu sabi Gadu bunu. [Go a woto 2, nöö lei ën dee hedipakisei.] Ee i kë, nöö mi sa disa di buku aki da i, nöö wan woto daka, u sa lesi di piki di di Bëibel ta da u u dee hakisi aki.”