Unfa u sa du di diniwooko fuu möön bunu​—Peleiki da wan sëmbë di ta fan wan woto töngö

Faandi mbei a dë fanöudu: Jehovah kë u „hii sëmbë” musu ko lei sabi soni fëën (Tjab. 10:34, 35). Fëën mbei Jesosi bi taki taa di bunu buka bi o paaja a „hii di goonliba” be „hii föluku” jei (Mat. 24:14). Di tjabukama Sakalia bi taki a fesi taa sëmbë u „hii dee nasiön dee ta fan peipei töngö” bi o haika di bunu buka (Sak. 8:23). Te u luku di soni di apösutu Johanisi bi si a wan wojo limbo sunjan, nöö dee sëmbë dee pasa di gaan fuka o dë „sëmbë dee kumutu a hii pei nasiön ku hii pei lö, ku hii pei föluku, ta fan hii dee peipei töngö u goonliba tuu” (Ako. 7:9, 13, 14). Di soni aki ta lei u taa te u miti wan sëmbë di ta fan wan woto töngö a di pisiwata ka u ta peleiki, nöö u musu pooba u peleiki dëën.