Di ölganisaasi fuu seti soni fuu sa peleiki da sëmbë

Leti kumafa Jehovah bi seeka dee Isaeli sëmbë, so nöö Jehovah seeka dee sëmbë fëën a di ten aki u du di kë fëën. A hii di goonliba, dee beikantoo, dee keling, dee kemeente, ku dee peleikiwooko kulupu ta paaja di bunu buka. U ta peleiki da hii sëmbë te kisi dee sëmbë dee ta fan woto töngö seei.​—Ako 14:6, 7.

I bi pakisei ën wan daka u lei wan woto töngö u heepi sëmbë u ko sabi soni u di tuutuu lei ö? Aluwasi ja abi hia ten tjika u lei wan töngö, tökuseei i sa wooko ku di JW Language app fii ko sabi unfa i sa bigi peleiki da wan sëmbë. Te i wooko ku ën a di peleikiwooko kaa, nöö joo ta piizii kumafa dee fesiten Keesitu sëmbë bi ta piizii, di de bi si fa a bi ta bigi da dee woto köndë sëmbë di de bi jei ’dee gaan soni di Gadu bi du ’a de mamabëë töngö.​—Tja 2:7-11.

LUKU DI FËLÖN KO TOON JEHOVAH MATI​—PELEIKI A WAN WOTO TÖNGÖ, NÖÖ BAKA DI DË, PIKI DEE HAKISI AKI:

• 

  Na un ten i sa wooko ku di JW Language app?

• 

  Andi ku andi dë nëën di sa heepi i?

• 

  Un töngö ku un töngö de ta fan a di pisiwata ka i ta libi?

• Andi i sa du ee wan sëmbë kë sabi möön soni u di bunu buka, ma a ta fan wan woto töngö?​—od-SR bld. 100-101 pal. 39-41