Unfa u sa peleiki möön bunu​—Seti soni fii sa go luku di sëmbë baka

FAANDI MBEI A DË FANÖUDU:

U kë munjan dee sii u di tuutuu lei di u paandi a sëmbë hati (1Ko 3:6). Te u feni wan sëmbë di kë sabi möön soni, nöö a bi o bunu fuu buta wan hakisi dëën di u sa taki fëën te woo go luku ën baka. Di soni aki o mbei a o kë ko sabi möön soni seei, nöö an o taanga da u fuu seti soni u toona go luku ën. Te u go luku ën baka, nöö u sa piki ën taa u ko u ko piki di hakisi di u bi buta dëën di lasiti pasi di u ku ën bi miti.

FA U MUSU DU ËN:

• Te i ta seeka iseei da di peleikiwooko, nöö seeka wan hakisi tu di i sa buta da sëmbë, di i sa piki te joo toona go luku de. A sa dë wan hakisi di nama ku wan woto u di buku nasö di talakitaati di joo dëën. Nasö a sa dë wan hakisi di i sa piki ku wan u dee buku fuu di u ta lei sëmbë soni. Nöö i sa lei ën di buku dë te i toona go luku ën.

• Ufö i kaba fan ku wan sëmbë di bi kë sabi möön soni, piki ën taa i bi o kë ko luku ën baka. Nöö awaa ufö i sa buta di hakisi dëën di i bi seeka. Suku u ko sabi hën në, hën tëlëfön nöbu ku di kamian ka a ta libi.

• Ee i da di sëmbë wan juu di joo toona go luku ën, nöö i musu hoi iseei a di juu dë.​—Mt 5:37.