Unfa u sa peleiki möön bunu​—Go a wan gobaka

FAANDI MBEI A DË FANÖUDU: Sömëni sëmbë di ta haika di Könuköndë bosikopu di u ta paaja, da sëmbë di kë ko sabi di tuutuu lei di nama ku Gadu (Jes 55:6). Fëën mbei ee u kë lei de soni, nöö hii juu u musu ta toona go luku de. Wa o sa hai hii sëmbë pakisei a di wan seei fasi u de kë ko lei soni u Bëibel. Ma te u seeka bunu, söseei te u sabi andi woo taki, nöö woo sa hai de pakisei, fuu sa bigi lei de soni u Bëibel.

UNFA U SA DU ËN:

• Mbei möiti u toona go wantewante a di sëmbë, kandë di woto daka fëën seei.​—Mt 13:19

• Fan a wan suti fasi, söseei a wan lesipeki fasi. Na senuwe

• Da di sëmbë odi, nöö kai di sëmbë nëën në. Mëni di sëmbë faandi mbei i ko baka. Kandë i bi musu piki wan hakisi, nasö kandë i bi o tja wan u dee möön njunjun Hei Wakitimawosu ko dëën, nasö i bi o lei ën di website fuu, nasö i bi o pëë wan fëlön, nasö i bi o lei ën fa u ta lei sëmbë soni u Bëibel. I sa tooka di soni di i bi o taki ee a kë sabi wan woto soni.​—Fp 2:4

• Munjan di sii u di tuutuu lei di i paandi nëën hati u di i ta konda wan soni u Bëibel dëën nasö u di i ta dëën wan buku (1Ko 3:6). Pooba u ko dë mati ku ën

• Seti soni fii sa toona go luku ën baka