DI LIBI FUU KUMA KEESITU SËMBË

Fasi fa u sa wooko ku JW Library

TE JOO LEI SONI U BËIBEL:

I sa lesi di Bëibel ku di daka wöutu
I sa Lesi di Jaarboek, ku dee woto buku fuu dee u abi. Wooko ku di maaka di sa heepi i fii sabi naasë i bi tapa di lasiti pasi di i bi lesi wan buku
I sa maaka dee piki te i ta seeka iseei da dee kemeente komakandi
I sa luku fëlön

I sa suku dee Bëibel tëkisi di di takima ta kai. Wooko ku di pisi di ta toona tja i go a dee soni dee i bi jabi kaa, fii sa toona go a wan tëkisi di i bi jabi
Ka fii tja sömëni buku te i nango a komakandi, i sa tja di tëlëfön nasö di tablet fii, fii sa luku dee soni dee woo lei a di komakandi, söseei fii sa kanda dee kanda. JW Library abi dee njunjun kanda dee an dë a di kanda buku fuu jeti

I sa lei wan sëmbë di kë sabi möön soni, wan soni a di JW Library, nöö heepi ën download di app ku wantu buku buta a di fu hënseei tëlëfön nasö tablet
Wooko ku di pisi ka i sa go u suku soni, fii suku wan Bëibel tëkisi. Nasö i sa sikifi wan wöutu di sikifi a di tëkisi, fii sa feni di tëkisi di i ta suku
I sa lei wan sëmbë wan fëlön. Ee di sëmbë abi miii, nöö i sa pëë wan u dee fëlön dëën di dë a di pisi Ko toon Jehovah mati. Nasö i sa lei ën di fëlön Faandi mbei u musu lei soni u Bëibel?, faa sa kë ko lei soni u Bëibel. Ee i miti wan sëmbë di ta fan wan woto töngö, nöö i sa lei ën wan fëlön a di töngö fëën
I sa lei wan sëmbë wan tëkisi a wan woto Bëibel di sikifi a wan woto töngö di i bi download tei a fesi. Go a di tëkisi, doloki di vers, nöö doloki di piki Bëibel di o hopo ko, fii si fa de puu di seei vers dë a wan woto töngö