Unfa u sa wooko ku di brochure Haika Gadu?

De mbei di brochure Haika Gadu, u heepi dee sëmbë dee an sa’ u lesi. Dee peentje u di brochure ta heepi de u de ko fusutan dee tuutuu lei u Bëibel. Dee peentje u dee woto seti a sö wan fasi taa i sa si fuun peentje i musu taki, baka tei i kaba taki u wan kaa.

Di brochure Haika Gadu nöö joo libi u teego, abi dee seei peentje kuma di Haika Gadu-brochure. Ma a abi möön hia sikifi, nöö a mbei da dee sëmbë dee sa’ u lesi. Dee peleikima möön lo’ u wooko ku ën, te de ta lei wan studie di an sa’ u lesi, ma di ta wooko ku di Haika Gadu-brochure. Sömëni u dee bladsëidë abi wan pisi di ta taki u woto soni di nama ku di woto. Nöö u sa taki u de ku di studie ee u si taa a dë fanöudu.

I sa paati hiniwan u dee brochure aki da sëmbë, aluwasi na de u ta paati a di liba dë. Te i ta lei wan sëmbë soni u Bëibel, nöö i sa wooko ku dee peentje u heepi di sëmbë faa fusutan di woto di di Bëibel ta taki fëën. I musu ta buta hakisi da di studie faa ta piki, fii sa sabi ee a ta fusutan dee soni dee a ta lei. Un lesi dee tëkisi dee ta dë a basu u dee bladsëidë, nöö un taki u de. Baka te un kaba lei soni a di brochure aki, nöö un sa lei soni a di buku Andi di Bëibel ta lei u tuutuu? nasö a di buku Andi di Bëibel sa lei u? u heepi di studie fii faa go a fesi faa sa tei dopu.