Hii fa di Pasika piizii an ta lei u andi bi o ta pasa te u bi o ta mëni di dëdë u Jesosi, ma tökuseei so soni u di Pasika piizii da fanöudu soni da u. Apösutu Paulosu bi kai Jesosi di „Pasika sikapu mii” (1Ko 5:7). Leti kumafa di buuu di dee sëmbë bi musu lobi a di dööbuka pau u de bi tjubi di libi u dee fosu pai mii u de, sö nöö di buuu u Jesosi o tjubi sëmbë libi tu (Ëki 12:12, 13). Leti kumafa de an bi ta booko dee bonu u di sikapu mii di de bi ta njan, sö nöö de an bi booko na wan u dee bonu u Jesosi, hii fa a bi dë di guwenti taa de bi ta booko dee bonu u dee sëmbë di de bi kii.—Ëki 12:46; Jo 19:31-33, 36.