DI LIBI FUU KUMA KEESITU SËMBË

Wooko a wan bunu fasi ku dee soni dee u abi u lei sëmbë soni u Bëibel

De ta wooko ku di Bëibel ku wan brochure u peleiki da wan womi

Te u ta heepi wan sëmbë faa ko dë bakama u Keesitu, nöö a dë leti kuma u ta mbei wan wosu. Fuu sa du ën bunu, nöö u musu sa’ u wooko ku dee wooko lai dee u abi. U musu sa’ u wooko ku di Wöutu u Gadu, u di a dë di möön fanöudu wooko lai fuu (2Ti 2:15). Söseei u musu sa’ u wooko ku dee buku ku dee fëlön fuu u heepi sëmbë u de ko dë bakama u Jesosi.a

Andi i sa du u ko sa’ u wooko möön bunu ku dee soni dee u abi u ta lei sëmbë soni u Bëibel? (1) Hakisi di gaanwomi di ta tei fesi a di peleikiwooko kulupu fii faa heepi i, (2) wooko ku wan peleikima di sa’ u peleiki bunu nasö wan pionili ku (3) i musu ta wooko ku de hii juu u te kuma i ko sa’ u wooko bunu ku de. Te i ko sa’ u lei sëmbë soni ku dee buku ku dee fëlön fuu, nöö joo ta dë waiwai seei u di i ta heepi ku di wooko di u ta du nöunöu a hii së u goonliba.

HEI WAKITIMAWOSU KU ONTWAAKT!