I musu ta köni ku dee hogi di sa miti i te i nango a dee website ka i ta fan ku sëmbë a Internet

FAANDI MBEI A DË FANÖUDU: Dee website ka u nango u fan ku sëmbë a Internet sa tja bunu nasö hogi ko da u. So Keesitu sëmbë buta taa de an o go a dee website aki. Woto Keesitu sëmbë nango a dee website aki u de sa ta fan ku dee famii u de ku dee mati u de. Ma Didibi an kë fuu ta köni ku dee lö website aki, u di a kë poi u në, söseei a kë poi di dë di u ku Jehovah dë mati. Leti kuma Jesosi, u sa wooko ku dee mama wëti u Bëibel, sö taa u sa sabi te hogi ta ko miti u fuu sa koti pasi da de.​—Lu 4:4, 8, 12.

DEE HOGI DEE U MUSU TA KÖNI DA:

• Te u ta dë hii juu a dee website aki. Te u ta dë sömëni juu longi a dee website aki, nöö a o ta tei di ten fuu di u abi u du soni a di dini u Jehovah

  Mama wëti u Bëibel: Ef 5:15, 16; Fp 1:10

• Te i ta luku soni di an dë fanöudu. Te u ta luku peentje di ta weki dee manu ku mujëë fii fuu, nöö de sa mbei u bigi ta luku fanafiti soni u womi ku mujëë, nasö u sa bigi ta libi fanafiti a di së u manu ku mujëë. Te u ta lesi dee soni u dee sëmbë dee go disa di biibi, nöö a sa mbei di biibi fuu ko suwaki

  Mama wëti u Bëibel: Mt 5:28; Fp 4:8

• Te i ta sikifi soni di an fiti ku te i ta buta footoo di an fiti. U di di hati fuu sa ganjan u, mbei wan sëmbë sa sikifi soni di an fiti buta a Internet, nasö a sa buta footoo di an fiti. Ma dee soni aki sa poi wan sëmbë në, nasö de sa mbei di biibi fëën ko suwaki

  Mama wëti u Bëibel: Lo 14:13; Ef 4:29

LUKU DI FËLÖN WOOKO KU INTERNET A WAN KÖNI FASI, NÖÖ BAKA DI DË, LUKU ANDI I SA DU U KOTI PASI DA HINIWAN U DEE SONI A BASU AKI: