Ambë da dee mati dee i abi a Internet?

Wan mati da wan sëmbë di ta hoi hënseei a wan wotowan, nöö a ta booko hën hedi ku di sëmbë dë, söseei a ta fii dëën. Kuma te u luku di woto u Jonatan ku Dafiti. De bi ko dë gaan mati seei baka di Dafiti bi kii Goliati (1Sa 18:1). Hii de tuu bi abi fasi di bi mbei taa de bi kë dë mati ku deseei. Fëën mbei sëmbë ta ko dë gaan mati, te de sabi deseei bumbuu. I musu mbei möiti fii lei ko sabi wan sëmbë, nöö a ta tei ten tu. Ma, sëmbë ta ko dë mati ku wotowan a Internet, nöö an dë wan taanga soni, wan soni nöö i musu zin, nöö i sa ko dë mati ku wan sëmbë kaa. Nöö dee sëmbë aki sa seeka a fesi u sabi andi de musu taki, nöö de sa pëë deseei bumbuu sëmbë, hii fa tjubi de ta tjubi da i ambë de dë tuutuu. Fëën mbei i musu sabi ambë i ta tei kuma mati a Internet. Ja musu si kuma i ta du wan hati soni ku wan sëmbë di hakisi i ee a sa dë mati ku i a Internet, te i taa nönö. U di di soni aki sa mbei hogi miti sëmbë, mbei so sëmbë buta taa de an o ta fan ku sëmbë a Internet. Ma ee i buta taa joo ta fan ku sëmbë a Internet, nöö andi i musu hoi a pakisei?

LUKU DI FËLÖN WOOKO KU INTERNET A WAN KÖNI FASI, NÖÖ BAKA DI DË, PIKI DEE HAKISI AKI:

• 

  Andi i musu hoi a pakisei ufö i sikifi soni a Internet nasö buta footoo fii a Internet?

• 

  Faandi mbei i musu luku bunu ambë i ta tei kuma mati a Internet?

• 

  Faandi mbei a dë fanöudu fii buta di un mëni ten di joo dë a Internet ta fan ku sëmbë?​—Ef 5:15, 16