Mëni di soni di bi pasa ku di mujëë u Lotu

Faandi mbei di mujëë u Lotu bi bia luku baka di a bi ta kule kumutu a Sodom? Di Bëibel an taki faandi mbei (Ke 19:17, 26). Dee soni dee Jesosi bi taki a dee vers a fesi ufö a bi taki di soni u di mujëë u Lotu, ta lei taa kandë a bi ta pakisei dee soni dee a bi disa a baka (Lu 17:31, 32). Unfa u sa ta köni fuu wa poi di dë di u ku Gadu dë mati, kumafa a bi pasa ku di mujëë u Lotu? Wë wa musu lobi dee gudu u di goonliba sö tee taa de ko dë dee möön fanöudu soni a u libi (Mt 6:33). Jesosi bi lei u taa wa sa „dini Gadu ku gudu a di wan seei ten” (Mt 6:24). Ma andi woo du ee u si taa dee gudu u di goonliba aki bigi ta puu u pakisei a dee soni dee u musu ta du a di dini u Gadu? U sa begi Jehovah faa heepi u fuu sa si andi u musu tooka a u libi, söseei faa da u degihati ku kaakiti fuu sa du ën.

PAKISEI DI FËLÖN MËNI DI SONI DI BI PASA KU DI MUJËË U LOTU, NÖÖ PIKI DEE HAKISI AKI:

• 

  Unfa di duwengi di de bi ta duwengi Gloria u ko abi möön hia möni, bi mbei a ko ta pakisei woto fasi, ta fan woto fasi, söseei ta du soni woto fasi?

• Andi u ta lei a di woto u di mujëë u Lotu a di ten aki?

• Unfa di hoi di Lou ku dee sëmbë fëën wosudendu bi ta hoi dee mama wëti u Bëibel bi heepi de?

• Unfa di hulu di Ana bi ta hulu dee woto wookoma bi mbei di biibi fëën ko suwaki?

• Faandi mbei u musu abi degihati te sëmbë ta duwengi u fuu buta möni a di fosu kamian a u libi?

• Unfa Brian ku Gloria bi toona buta soni di nama ku di dini u Gadu a di fosu kamian a de libi?

• Un mama wëti ii si a di fëlön aki?