I musu ta dë makandi ku dee sëmbë dee lobi Jehovah

Faandi mbei u musu ta dë makandi ku dee sëmbë dee lobi Jehovah? U di dee sëmbë dee u ku de ta hulu sa mbei u du bunu soni nasö hogi soni (Nön 13:20). Sö nöö Könu Joasi bi ta du „andi bi bunu a Jehovah wojo”, u di a bi ta dë makandi ku di Gaan Mindima de kai Jojada (2Klo 24:2). Baka di Jojada dëdë, hën Joasi bi go disa Jehovah, u di a bi ta nama ku poipoi mati.​—2Klo 24:17-19.

A di ten u dee fesiten Keesitu sëmbë, apösutu Paulosu bi tei di Keesitu kemeente maaka ku „wan gaan wosu”, nöö a bi tei dee sëmbë u di kemeente maaka ku „peipei gansë”. Woo „dë wan gansë di de sa tei du wan gaan wooko” te wa nango nama ku sëmbë di ta du soni di an ta kai ku Jehovah, aluwasi ee a dë wan famii fuu nasö wan baaa nasö wan sisa a di kemeente (2Ti 2:20, 21). Fëën mbei, boo ta mbei mati ku dee sëmbë dee lobi Jehovah, söseei dee ta da u taanga fuu dini ën.

LUKU DI FËLÖN MBEI MÖITI U NA TA NAMA KU POIPOI MATI, BAKA DI DË, NÖÖ PIKI DEE HAKISI AKI:

• Unfa u sa ko ta nama ku poipoi mati söndö fuu sabi?

• Andi i bi si a di fëlön di bi heepi dii Keesitu sëmbë u de an ta nama ku poipoi mati möön?

• Un mama wëti u Bëibel sa heepi i u tei bumbuu mati?