„Buta gaanwomi”

Tit 1:5-9

Paulosu bi piki Titusi faa ’buta gaanwomi a dee köndëköndë’. Di soni di de bi ta du na awooten, hën de ta du a di ten aki sö tu te dee keling-gaanwomi ta buta gaanwomi a dee kemeente.

DI TII KULUPU

Leti kumafa a bi ta pasa na awooten, sö nöö di Tii Kulupu da dee keling-gaanwomi di gaan faantiwöutu u ta buta gaanwomi ku dinai a dee kemeente.

DEE KELING-GAANWOMI

Hiniwan keling-gaanwomi musu sindo pakisei unfa dee baaa di dee gaanwomi kë da möön faantiwöutu dë tuutuu, nöö de musu begi Jehovah faa tii de, nöö baka di dë ufö de sa buta dee baaa di dou dee maaka kuma gaanwomi nasö dinai.

DEE BAAA DEE DË GAANWOMI

Baka te de buta wan baaa kuma gaanwomi kaa, nöö tökuseei a musu ta lei taa a ta dou dee maaka jeti dee sikifi a Bëibel, di wan wan gaanwomi musu dou.