Dee bunu wooko di Jehovah an o fëëkëtë

Hii dee dinima u Jehovah sa du soni dëën di an o fëëkëtë nöiti. Leti kumafa wan mama ku wan tata di lobi dee mii u de, söseei di an ta fëëkëtë dee bunu soni di de du, sö nöö Jehovah an o fëëkëtë dee wooko dee u du, ku di lei di u ta lei taa u lobi di në fëën (Mt 6:20; Heb 6:10). A dë sö tuu taa hii u tuu abi peipei köni u du soni, nöö di fasi fa libi fuu dë tooka. Ma ee u ta mbei möiti a di dini u Jehovah, nöö u sa ta dë waiwai (Ga 6:4; Kol 3:23). A dee jaa dee pasa, dusudusu baaa ku sisa bi go wooko a Bëtëli. I bi o sa go wooko wantu daka a Bëtëli ö? Ee ja sa, i bi o sa da wan woto sëmbë degihati u go heepi a Bëtëli ö, nasö i bi o sa heepi wan sëmbë di ta wooko a Bëtëli faa sa du di wooko fëën go dou ö?

LUKU DI FËLÖN I MUSU DË KABAKABA TE DE O KAI I FII GO WOOKO A BËTËLI, BAKA DI DË, NÖÖ PIKI DEE HAKISI AKI:

• Andi da di soni di musu da i taanga fii kë go wooko a Bëtëli?

• Andi so sëmbë bi taki u dee wini di de feni di de go wooko a Bëtëli?

• Un maaka wan sëmbë musu dou faa sa go wooko a Bëtëli?

• Andi i musu du ee i kë go wooko a Bëtëli?