Jehovah lobi sëmbë di ta dë limbolimbo

„Wasi i maun. Seeka di kamba fii. Bai di wosu. Tja dee sundju go tuwë.” Sömëni u dee mama ku dee tata ta lei dee mii u de unfa de musu ta seeka deseei u de ta dë limbolimbo. Di dë di sëmbë musu ta dë limbolimbo, da wan soni di kumutu a Jehovah, di santa Gadu fuu (Ëki 30:18-20; Det 23:14; 2Ko 7:1). Te u ta seeka u sinkii ku dee soni dee u abi u de dë limbolimbo, nöö u tja gafa ko da Jehovah (1Pe 1:14-16). Ma unfa a dë ku di wosu fuu ku di kamian ka u ta libi? Keesitu sëmbë tooka ku dee sëmbë dee ta hiti soni tuwë a sitaati, u di de ta mbei möiti u di goonliba dë limbolimbo (Ps 115:16; Ako 11:18). Aluwasi ee a pikipiki soni seei, soni kuma kuku paki, söfu bata, ku kepisi, u ta lei taa u dë sëmbë di dë limbolimbo. A hiniwan soni di u ta du a u libi u kë lei taa „u dë futuboi u Gadu tuutuu”.​—2Ko 6:3, 4.

LUKU DI FËLÖN GADU LOBI SËMBË DI TA DË LIMBOLIMBO, BAKA DI DË, NÖÖ PIKI DEE HAKISI AKI:

• Un soni so sëmbë lo’ u taki te de an ta seeka dee soni u de, u de dë limbolimbo?

• Unfa di Wëti di Gadu bi da Mosesi ta lei u unfa Jehovah ta pakisei u di dë di wan sëmbë musu dë limbolimbo?

• Unfa u sa tja gafa ko da Jehovah söndö fuu taki wan soni?