Unfa u sa du di diniwooko fuu möön bunu​—Peleiki ku tëlëfön

FAANDI MBEI A DË FANÖUDU: Di peleiki di u ta peleiki ku tëlëfön da wan fanöudu fasi fa u ta ’konda di bunu buka da sëmbë finifini’ (Tja 20:24)a. A ta heepi u fuu sa peleiki da wan sëmbë di wa sa miti.

UNFA I MUSU DU ËN:

• 

  Seeka a fesi. Taki u wan soni di sa hai sëmbë pakisei. Nöö sikifi andi ku andi i kë taki. I seeka wan sati bosikopu tu di i kë disa a baka te i bëli di sëmbë hën ja kisi ën. A ta möön bunu te i sindo a tafa ku di pampia ka i sikifi dee soni dee i kë taki ku dee woto soni dee joo abi fanöudu, kandë di tëlëfön nasö di tablet fii ku JW Library^® nasö jw.org^® jabijabi nëën

• 

  Ja musu ta fëëë poi. Fan kumafa i guwenti fan. Lafu tjë sö da di sëmbë, nöö du kumafa i bi o du te di sëmbë bi o si i. Ja musu ta wakiti longi poi ufö i fan. A ta heepi te i ta wooko makandi ku wotowan. Ee di sëmbë hakisi i wan soni, nöö buta di hakisi dë baka u di sëmbë di i ku ën ta wooko makandi sa jei, faa sa heepi i ku di piki

• 

  Taki wan soni fii sa toona bëli ën baka. Ee di sëmbë kë sabi möön soni, nöö i sa buta wan hakisi dëën di i sa piki te joo toona bëli ën baka. Söseei i sa hakisi ën ee i sa manda wan soni dëën a e-mail, nasö ee i sa tja wan buku go dëën. Nasö i sa manda wan woto dëën faa lesi nasö wan u dee fëlön fuu. Ee a dë fanöudu, nöö piki di sëmbë taa a sa go luku soni a di website fuu