DI LIBI FUU KUMA KEESITU SËMBË
Wantu soni di sa mbei dee peleikiwooko komakandi go möön bunu
Dee peleikiwooko komakandi de leti kuma dee kemeente komakandi di Jehovah seti da u, di ta da u taanga fuu lobi useei, söseei fuu du bunu soni (Heb 10:24, 25). Di peleikiwooko komakandi musu hoi feifi te go miti seibi miniti longi. A dee miniti dë dendu de musu paati dee sëmbë, de musu lei de naasë de musu go peleiki, söseei de musu begi. (Ee baka di peleikiwooko komakandi wan woto komakandi o dë, nöö di peleikiwooko komakandi musu hoi möön sati seei.) Di baaa di o hoi di peleikiwooko komakandi musu seeka wan soni di dee baaa ku dee sisa sa taki fëën a di peleikiwooko di daka dë. Boo taa te de o hoi di peleikiwooko komakandi a sata, nöö u di sömëni baaa ku sisa an bi go a di peleikiwooko wan hii wiki pasa, mbei a bi o bunu u de sabi fuun soni de sa taki ku sëmbë a di peleikiwooko. Andi da wantu soni di di baaa sa taki u de a di peleikiwooko komakandi?
A sa taki u wan u dee demo di ta ko a di pisi, „Fasi fa u sa bigi wan takimakandi” di dë a Di libi ku di diniwooko fuu kuma Keesitu sëmbë—komakandi-buku
A sa taki u wan soni di bi pasa nasö u wan njunsu di a bi jei, di u sa tei u bigi fan ku wan sëmbë
A sa taki unfa u sa piki te wan sëmbë taki wan soni u di an kë haika
A sa taki unfa u sa piki wan sëmbë di an ta biibi taa wan Gadu dë, wan sëmbë di ta fan wan woto töngö, nasö wan sëmbë di nango a wan hii woto keiki di wa sabi
A sa taki u wan soni di dë a di jw.org website fuu, nasö a di JW Library® app, nasö di dë a Bëibel
A sa taki unfa u musu wooko ku wan u dee buku fuu di u ta lei sëmbë soni u Bëibel
A sa taki unfa u sa peleiki a wan u dee woto fasi fa u ta peleiki. Kandë peleiki ku tëlëfön, sikifi biifi, peleiki da sëmbë aluwasi ka i miti de, unfa u sa du wan gobaka, nasö unfa u sa lei sëmbë soni u Bëibel
A sa taki unfa u musu köni u hogi an miti u, unfa u sa fiti useei a sëmbë, unfa u musu tja useei a wan bunu fasi, unfa u musu si dee sëmbë dee u ta peleiki da, nasö u wan woto soni
A sa taki u wan woto nasö wan fëlön u di brochure Ko toon wan möön bunu lesima ku wan möön bunu leima
A sa taki unfa u sa da di sëmbë di u ku ën ta peleiki degihati, söseei unfa u sa heepi ën
A sa taki u wan tëkisi di nama ku di peleikiwooko nasö a sa konda wan woto di nama ku di peleikiwooko di o da sëmbë degihati