Un dee mama ku dee tata, un lei dee mii fuunu soni di de musu ko sabi

U ta libi a wan goonliba ka sëmbë ta si bunu kuma hogi, nasö hogi kuma bunu (Jes 5:20). A tjali taa so sëmbë ta du soni di Jehovah ta buuse. Wan u dee soni dë da di libi di womi ku womi ta libi nasö di libi di mujëë ku mujëë ta libi. Kandë dee pei u dee njönkuwan a siköö nasö woto sëmbë ta suku u ganjan de u du dee soni di de ta du. Unfa i sa seeka dee mii fii a fesi u de sa pasa dee lö tesi aki?

Lei dee mii fii u de ko sabi dee wëti u Jehovah (Lei 18:3). I musu lei de andi di Bëibel ta taki u manu ku mujëë soni, ma lei de soni di fiti di jaa u de (Det 6:7). Hakisi iseei: „Mi lei dee mii u mi ee na un fasi a fiti taa sëmbë lei de taa de lobi de u, nasö unfa a dë fanöudu tjika u bisi soni a wan fasi di fiti ö, söseei u na mbei sëmbë sabi soni u de di de an musu sabi ö? Dee mii u mi sabi andi de musu du te sëmbë kë lei de peentje nasö fëlön u fanafiti soni u womi ku mujëë u, nasö te sëmbë hakisi de u du wan soni di Jehovah taa an bunu ö? Di lei di joo ta lei de soni sa heepi de u hogi an miti de (Nön 27:12; Pel 7:12). Te i ta lei dee mii fii soni, nöö i ta lei taa i lobi di gudu di Jehovah da i.​—Ps 127:3.

LUKU DI FËLÖN HEEPI DEE SËMBË FII WOSUDENDU U DE HOI DOU​—TJUBI DEE MII FII U „HOGI” AN MITI DE, NÖÖ BAKA DI DË, PIKI DEE HAKISI AKI:

• 

  Faandi mbei a ta taanga da sö mama ku tata u fan ku dee mii u de u manu ku mujëë soni?

• 

  Faandi mbei mama ku tata musu ta kiija dee mii u de „a wan leti fasi ta lei de kumafa Masa Gadu kë u de musu libi”?​—Ef 6:4

• 

  Andi di ölganisaasi u Jehovah mbei da mama ku tata u de sa lei dee mii u de soni te a nama a manu ku mujëë soni?​—w19.05 di pisi a bld. 12

• Faandi mbei i musu abi di guwenti u ta fan ku dee mii fii ufö wan bookohedi ko?