Lei taa i lobi dee sëmbë fii wosudendu

Lobi hën ta tja sëmbë u wan wosudendu ko a wan. Ee lobi an dë a wan wosudendu, nöö dee sëmbë u di wosudendu dë an o sa libi a wan, söseei de an o sa ta wooko bunu makandi. Unfa womi, mujëë, ku mama ku tata sa lei taa de lobi de na de a di wosudendu?

Wan womi di lobi ën mujëë ta booko ën hedi ku dee soni dee a abi fanöudu, ku di fasi fa a ta si soni, söseei ku dee fii fëën (Ef 5:28, 29). A o ta da dee sëmbë fëën wosudendu dee soni di de abi fanöudu, söseei a o ta heepi de u de abi wan taanga biibi, u di a o ta hoi di Wosudendu Dini hiniwan wiki (1Ti 5:8). Wan mujëë di lobi ën manu o ta saka hënseei nëën manu basu, söseei a o abi gaan „lesipeki dëën” (Ef 5:22, 33; 1Pe 3:1-6). Womi ku mujëë musu dë kabakaba u ta da deseei paadon (Ef 4:32). Mama ku tata di lobi dee mii u de, o ta booko de hedi ku hiniwan u dee mii u de, söseei de o lei de u de lobi Jehovah (Det 6:6, 7; Ef 6:4). Un tesi ta miti dee mii u de a siköö? Unfa de ta du te dee pei u de ta duwengi de u du soni di an bunu? Wë te lobi dë a wan wosudendu, nöö hii sëmbë u di wosudendu o ta fii bunu, söseei de o ta dë bööböö.

LUKU DI FËLÖN HII JUU I MUSU TA LEI TAA I LOBI DEE SËMBË FII WOSUDENDU, NÖÖ BAKA DI DË, PIKI DEE HAKISI AKI:

• 

  Unfa wan womi di lobi ën mujëë ta sölugu ën, söseei ta lei taa a ta tei ën u bigi?

• 

  Unfa wan mujëë di lobi ën manu ta lei taa a abi gaan lesipeki dëën?

• 

  Unfa mama ku tata di lobi dee mii u de ta heepi de u di Wöutu u Gadu dou de hati?