Lei taa i ta fii da sëmbë

Te wan sëmbë ta fii da wan wotowan, hën da a ta fusutan unfa di sëmbë ta pakisei, unfa a ta fii, andi da dee soni dee a lobi, söseei andi a abi fanöudu. Wotowan sa si ee u ta fii da de tuutuu, nöö di fii di woo ta fii da de o mbei taa woo kë heepi de tuutuu. Te u ta lei taa u ta fii da sëmbë te u dë a di peleikiwooko, nöö u ta djeesi Jehovah a di lobi di a lobi sëmbë, söseei di booko di a ta booko hën hedi ku de, nöö di soni dë ta mbei taa sëmbë ta kë ko sabi ën.​—Fp 2:4.

Di fii di u ta fii da wotowan, an dë wan soni di u ta lei u du nöö a kaba, ma te u ta fii da wotowan, nöö a o dë u si a di fasi fa u ta haika de, a di fasi fa u ta fan ku de, söseei a o dë u si a dee soni dee u ta mbei ku u maun ku u fesi. U ta lei taa u ta fii da wan sëmbë te u ta booko u hedi ku ën tuutuu. U ta buta paksei a dee soni dee a lobi, dee soni dee a ta biibi, söseei a di fasi fa libi fëën dë. U ta piki ën soni di sa heepi ën, söseei u ta du soni dëën di sa heepi ën, ma wa ta duwengi ën faa tooka soni nëën libi. Te dee sëmbë dee u ta peleiki da kë fuu heepi de, nöö di soni dë ta mbei u ta dë waiwai seei a di peleikiwooko.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—FA I SA DU ËN MÖÖN BUNU​—LEI TAA I TA FII DA SËMBË, NÖÖ BAKA DI DË, PIKI DEE HAKISI AKI:

• 

  Unfa Neeta bi lei taa a ta fii da Djeit di Djeit bi dou lati?

• 

  Unfa Neeta bi lei taa a bi ta fii da Djeit di Djeit bi piki ën taa hedi fëën fuu te an sa lei soni u Bëibel?

• 

  Unfa Neeta bi lei taa a bi ta fii da Djeit di Djeit bi piki ën taa an dë wan sëmbë di ta seeka soni?