I musu ta buta hakisi

Jehovah da di „piizii Gadu”, nöö a kë fuu ta dë waiwai te u ta du di peleikiwooko (1Ti 1:11). Woo ta dë möön waiwai te u ta mbei möiti u ko sa’ u peleiki möön bunu. Te u ta buta hakisi da sëmbe, nöö de sa kë ko sabi möön soni, söseei a dë wan bunu fasi fuu sa bigi fan ku wan sëmbë. Te i ta buta hakisi da sëmbë, nöö a ta mbei de go pakisei u di soni di i hakisi de, söseei a ta mbei i sa taki go taki ko ku de (Mt 22:41-45). Te i ta buta hakisi da sëmbë, nöö a dë kuma i ta piki de taa: ’Mi ta booko mi hedi ku i’ (Jak 1:19). Di fasi fa di sëmbë o piki o heepi u fuu sabi andi u musu taki.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—FA I SA DU ËN MÖÖN BUNU​—I MUSU TA BUTA HAKISI, NÖÖ BAKA DI DË, PIKI DEE HAKISI AKI:

• 

  Un bunu fasi Djeit bi abi?

• 

  Unfa Neeta bi wooko ku hakisi u lei Djeit taa a ta booko hën hedi ku ën?

• 

  Unfa Neeta bi wooko ku hakisi u mbei Djeit bi kë ko sabi möön soni u di bunu buka?

• 

  Unfa Neeta bi wooko ku hakisi u heepi Djeit u pakisei u wan woto, söseei u taki go taki ko u wan woto?