Begi Jehovah faa heepi i

Jehovah hën ta mbei di sii u di tuutuu lei göö a wan sëmbë hati (1Ko 3:6-9). Fëën mbei ee u kë u soni waka bunu da u a di peleikiwooko, nöö u musu futoou Jehovah taa hën sa heepi u, söseei hën sa heepi dee sëmbë dee u ta lei soni u Bëibel tu.

Hakisi Jehovah fa heepi dee studie fii u de hoi dou te tesi ta miti de, söseei te de abi bookohedi (Fp 1:9, 10). Piki Jehovah gbelingbelin andi da di bookohedi u de. Begi Jehovah u di santa jeje fëën tii dee soni dee i ta pakisei ku dee soni dee i ta du u heepi de (Lu 11:13). Lei dee studie fii unfa de musu ta begi, nöö da de taanga u de ta du ën. Begi makandi ku de, nöö kai de në te i ta begi.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—BE JEHOVAH HEEPI I​—BEGI, NÖÖ BAKA DI DË, PIKI DEE HAKISI AKI:

• Un bookohedi Neeta bi abi di a bi ta lei Djeit soni u Bëibel?

• Unfa 1 Kolenti 3:6 bi heepi Neeta?

• Andi a bi du di bi heepi ën ku di bookohedi di a bi abi?