Unfa i sa wooko ku di pisi „Fasi fa u sa bigi wan takimakandi”?

Dee baaa wooko taanga u seeka di pisi aki da u, nöö soni bi waka bunu da sömëni peleikima di bi wooko ku di pisi aki a di pisiwata ka de ta peleiki. Ma u di soni an dë di wan seei fasi a hii së u goonliba, mbei dee peleikima sa bigi wan takimakandi ku wan sëmbë a wan woto fasi nasö de sa taki u wan woto soni di o möön hai sëmbë pakisei te de dë a di peleikiwooko. Ma an dë u taki taa hii u tuu musu du hii dee soni di de piki u fuu du te u musu du wan apaiti peleikiwooko. Di maaka fuu da u peleiki di bunu buka u di Könuköndë kumafa Jesosi bi piki u fuu du.​—Mt 24:14.

Te dee peleikima o hoi wan demo a komakandi, nöö de musu wooko ku dee soni dee sikifi a di pisi „Fasi fa u sa bigi wan takimakandi” di dë a Di libi ku di diniwooko komakandi-buku fuu. Boiti ee dee baaa an piki dee peleikima andi de musu du, nöö de sa wooko ku wan woto hakisi ku wan woto tëkisi, nasö de sa bigi peleiki a wan woto fasi, di o hai sëmbë pakisei a di pisiwata ka de ta peleiki. Di soni aki mbei taa wa o wooko möön ku di soni di dee baaa bi taki a bladsëidë 8 u di komakandi-buku fuu u höndima-liba u di jaa 2020.