I sa feni soni a JW.ORG di sa heepi i a di libi fii

Di Wöutu u Gadu ta da u dee soni dee u abi fanöudu fuu sa libi ku dee bookohedi fuu a dee lasiti daka aki (2Ti 3:1, 16, 17). Ma so juu u sa abi heepi fanöudu fuu feni mama wëti di sa heepi u ku wan bookohedi di u abi. I da wan mama nasö wan tata di ta suku lai u kiija dee mii fii ö? I da wan njönkuwan di tesi ta miti u di biibi fii hedi ö? I da wan mujëë di manu fii dëdë nasö wan womi di mujëë fii dëdë u? I sa feni buku ku woto soni a jw.org di ta taki u mama wëti di sa heepi i ku dee fuka aki, söseei ku sömëni woto bookohedi.​—Nön 2:3-6.

Go a jw.org, nöö zin SAN BIJBEL E LERI. (Luku peentje 1.) Te i go a di pisi ka i sa suku andi i kë luku, nöö zin di soni di i kë luku. Nasö zin LIBRARY > DIFRENTI ARTIKEL nöö di pisi o jabi da i. (Luku peentje 2.) I sa feni dee seei soni a JW Library^®.a Joo wai seei di joo si sömëni woto a di pisi aki. Wan woto fasi fa i sa feni wan woto di i bi o kë lesi, hën da te i go a di pisi ka i sa sikifi suku soni a jw.org.

Sikifi dee soni aki a di pisi ka i sa sikifi suku soni, nöö sikifi dee woto dee i kë lesi buta a wan kamian.

• Kiija mii

• Bookohedi di ta mbei njönkuwan an ta dë waiwai

• Te wan sëmbë di i ku ën tööu dëdë