Di tööu libi da wan soni di musu dë u nöömö

Te soni ta waka bunu a di tööu libi u wan womi ku wan mujëë di ta dini Jehovah, nöö di soni dë ta tja gafa ko da Jehovah, söseei di womi ku di mujëë ta dë waiwai tu (Mk 10:9). Ee Keesitu sëmbë kë abi wan piizii tööu libi u nöömö, nöö de musu mbei dee mama wëti u Bëibel tii de te de o suku wan sëmbë u tööu.

Ee i njönku jeti, nöö a dë wan köni soni u na bigi suku wan sëmbë u tööu ku ën, u di a dee ten dë dee manu ku mujëë fii fii ta möön taanga (1Ko 7:36). A dë wan köni soni te i wooko ku di ten fii a wan köni fasi te ja tööu jeti fii ku Jehovah ko dë möön gaan mati, söseei fii ko abi dee bunu fasi di wan Keesitu sëmbë musu abi. Te i du sö, nöö di soni dë o heepi i fii sa abi wan bunu tööu libi.

Ufö i buta taa joo tööu ku wan sëmbë, nöö i musu tei ten u ko sabi unfa ’hën hati dë’ (1Pe 3:4). Ee i bigi ta booko i hedi ku sömëni fanöudu soni, nöö a bunu fii fan ku di sëmbë di i ku ën o tööu. Leti kumafa a dë te sëmbë ku sëmbë ta dë mati, sö nöö a dë taa a di tööu libi, i musu möön buta pakisei a di fasi fa i ta da soni möön di fasi fa i kë feni baka (Fp 2:3, 4). Ee i ta fiti dee mama wëti u Bëibel a i libi ufö i tööu, nöö di soni dë o heepi i fii sa abi wan piizii tööu libi.

LUKU DI FËLÖN SEEKA DA DI TÖÖU LIBI​—PISI 3: „SINDO PAKISEI LUKU”, NÖÖ PIKI DEE HAKISI AKI:

• Unfa soni bi nango di di sisa ku Shane bi ta lei sabi deseei?

• Andi di sisa bi ko si di de bi ta lei sabi deseei?

• Unfa dee gaansëmbë u di sisa bi heepi ën, nöö unfa a bi du soni a wan köni fasi?