Buta maaka di i sa dou a di pisiten te woo mëni di dëdë u Jesosi

Hiniwan jaa, dee sëmbë u Jehovah ta hangi u mëni di dëdë u Jesosi makandi. Dee wiki ufö u mëni di dëdë u Jesosi ku dee wiki baka te u mëni di dëdë u Jesosi, u ta suku okasi u gafa Jehovah, söseei u dëën tangi u di lusupaima (Ef 1:3, 7). Fëën mbei u ta du hii soni di u sa du u kai woto sëmbë u de ko mëni di dëdë u Jesosi makandi ku u. So baaa ku sisa ta seeka soni u de sa du di heepi pioniliwooko a gaanliba nasö a piki-deewei-liba. Nöö de sa wooko 30 nasö 50 juu a dee liba dë. I bi o kë du möön a di peleikiwooko a di pisiten te woo mëni di dëdë u Jesosi ö? Andi sa heepi i?

Möön gaanfa, a lo’ u pasa taa u sa du möön hia soni te u seeka soni a fesi (Nön 21:5). U di di pisiten di woo mëni di dëdë u Jesosi o dou abiti möön, mbei nöunöu kaa u musu bigi seeka soni. Pakisei andi i sa du fii sa du möön a di peleikiwooko a di pisiten dë, söseei pakisei andi da dee soni dee i musu du fii sa dou dee maaka dee i buta. Nöö hakisi Jehovah faa heepi i u soni waka bunu da i.​—1Jo 5:14, 15.

Andi da wantu fasi fa i sa du möön a di peleikiwooko a di pisiten te woo mëni di dëdë u Jesosi?