Unfa u sa wooko ku dee fëlön dee u abi u lei sëmbë soni u Bëibel?

U abi fö fëlön dee u ta wooko ku de a di peleikiwooko u lei sëmbë soni u Bëibel. Ku un maaka de mbei hiniwan u dee fëlön aki?

• 

  Di fëlön Faandi mbei u musu lei soni u Bëibel?​—Di langa wan, mbei u hai sëmbë pakisei u de kë ko sabi soni u Bëibel, aluwasi na un keiki de dë. A ta da sëmbë taanga u go suku dee piki u dee möön fanöudu hakisi u di libi a di Bëibel, nöö dee piki an taanga u fusutan. Söseei a ta lei i unfa i sa hakisi u wan sëmbë ko lei i soni u Bëibel.

• 

  Di fëlön Faandi mbei u musu lei soni u Bëibel? (Di sati wan) dë di wan seei kuma di langa wan nöö, ma a möön sati. I bi o sa wooko ku di fëlön aki möön bunu a dee kamian ka sëmbë an ta abi ten u fan longi.

• 

  Di fëlön Unfa u ta lei sëmbë soni u Bëibel?, mbei u heepi sëmbë u de kë ko lei soni u Bëibel ku u söndö u paka, söseei a ta piki so’ u dee hakisi di sëmbë abi di nama ku di lei di u ta lei sëmbë soni u Bëibel, nöö a ta lei sëmbë tu unfa de sa hakisi u wan sëmbë ko lei de soni u Bëibel.

• 

  Di fëlön U wai taa joo lei soni u Bëibel, da wan fëlön di u sa lei dee sëmbë dee u ta lei soni u Bëibel. Hii fa a bladsëidë tu u di buku I sa dë waiwai u teego! de ta bigi taki u di fëlön aki, tökuseei i sa lei sëmbë di fëlön aki te i ta lei de soni ku di brochure I sa dë waiwai u teego! Di fëlön ta taki u wantu soni u di buku, söseei a o lei di sëmbë unfa soni o waka te de o lei ën soni u Bëibel ku di buku.

Hii fa hiniwan u dee fëlön aki mbei ku wan maaka, tökuseei u sa pëë de da sëmbë nasö manda de da sëmbë ee a dë fanöudu. De ta da hii peleikima taanga u luku dee fëlön aki u ko sabi de, söseei u wooko ku de a di peleikiwooko.