I ta haika di audio u di Bëibel ö?

Andi da di audio u di Bëibel? Di audio u di Bëibel da di lesi di de lesi di Nyun-Grontapuvertaling Bëibel u sëmbë sa ta haikëën. Nöö pikipiki de ta lesi ën a sömëni woto töngö tu. Wan u dee soni di de ta du te de ta mbei di audio u di Bëibel, hën da de ta lesi dee pisi ka tookatooka sëmbë ta fan ku tookatooka töngö. Boo taa ee wan sëmbë ta këë nasö ta tjali, nöö de ta lesi ën a di fasi dë tu, sö taa sëmbë sa fusutan di pisi dë gbelingbelin.

Unfa sö sëmbë ta feni wini u di audio u di Bëibel? Sömëni sëmbë di ta haika di audio u di Bëibel, lobi fa a ta tja dee woto u di Wöutu u Gadu ko a fesi a sö wan fasi taa de ta fii kuma deseei dë a di woto dendu. Te de ta jei tookatooka töngö u sëmbë a wan Bëibel woto, nöö de ta fusutan di woto möön bunu, u di a ta djei kuma di soni di de ta lesi ta pasa leti a de fesi (Nön 4:5). Boiti di dë, sömëni sëmbë ko si taa te de ta haika di audio u di Bëibel, nöö a ta mbei de fii bunu te de dë ku wan bookohedi.​—Ps 94:19.

Di mbei di de ta mbei di audio u di Wöutu u Gadu da u fuu sa ta haikëën, ta heepi u seei (2Klo 34:19-21). Ee di audio u wan pisi u di Bëibel nasö hii ën tuu dë u feni a wan töngö di i ta fusutan, nöö i si kuma i sa seti soni fii sa ta haikëën u?

LUKU DI FËLÖN DE TA MBEI DI AUDIO U DI BËIBEL​—WAN SATI PISI, NÖÖ BAKA DI DË, PIKI DI HAKISI AKI:

Andi i lobi te i luku hii dee soni di de bi musu du u mbei di audio u di Bëibel?