DEE GUDU DEE DË A DI WÖUTU U GADU

Di fasi fa Ësala bi ta tja hënseei bi tja gafa ko da Jehovah

Ësala bi mbei di Wöutu u Gadu dou hën hati, nöö di soni dë bi mbei taa a bi ta tja hënseei a wan bunu fasi (Ësl 7:10; w00-SR 1/10 bld. 14 pal. 8)

Ësala bi ta heepi woto sëmbë u de ko sabi di köni u Gadu (Ësl 7:25; si-O bld. 75 pal. 5)

U di Ësala bi ta saka hënseei a Gadu basu, mbei a bi dë seiki taa Jehovah bi o tii ën, söseei taa a bi o tjubi ën (Ësl 8:21-23; it-2-O bld. 418 pal. 7)

Wan womi di ta wooko makandi ku wan baaa a wan kamian ka de ta mbei wagi, ta gafëën u di fasi fa a ta wooko.

U di Ësala bi lei taa a bi abi di köni u Gadu, mbei di könu bi dëën gaan faantiwöutu. Leti kuma Ësala, u sa tja gafa ko da Jehovah ku dee soni dee u ta du.

HAKISI ISEEI DI SONI AKI: ’Sëmbë di an ta dini Gadu ta lesipeki mi u di de ta si fa mi ta tja miseei kuma wan sëmbë di ta dini Gadu ö?’