DI LIBI FUU KUMA KEESITU SËMBË
Jehovah ta heepi dee sëmbë dee lasihati
Hii sëmbë ta fii tjali so juu. Te wan sëmbë ta fii tjali, nöö di soni dë an kë taki taa biibi fëën suwaki. Jehovah seei bi taki taa a bi ta fii tjali so juu (Ke 6:5, 6). Ma unfa a dë ee tjali ta möön u poi nasö ee u ta dë tjalitjali hii juu?
Begi Jehovah faa heepi i. Jehovah ta booko hën hedi ku di fasi fa u ta fii. A sabi te u dë waiwai, söseei a sabi te u ta tjali. Jehovah sabi unfa u ta pakisei, söseei a sabi unfa u ta fii. Böiti di dë, a ta fusutan faandi mbei u ta fii sö, nasö faandi mbei u ta pakisei sö (Ps 7:9b). Nöö di möön fanöudu soni, hën da Jehovah ta booko hën hedi ku u, nöö a kë heepi u te u ta tjali nasö te u dë ku gaan bookohedi.—Ps 34:18.
Mbei möiti u ta pakisei soni di bunu. Te u ta tjali, nöö a ta mbei taa wa ta dë waiwai möön, söseei a sa mbei taa wa ta dini Jehovah fajafaja möön. Fëën mbei u musu köni ku di soni aki fu an poi di hati fuu. Hën da di sëmbë di u dë tuutuu a u hati dëndu—Nön 4:23.
LUKU DI FËLÖN DEE BAAA KU DEE SISA FUU TA LIBI BÖÖBÖÖ HII FA DE DË KU GAAN BOOKOHEDI, NÖÖ BAKA DI DË, PIKI DEE HAKISI AKI:
Andi ku andi Nikki bi du di bi heepi ën di a bi dë ku gaan bookohedi?
Faandi mbei Nikki bi ko si taa a bi abi data heepi fanöudu?—Mt 9:12
Unfa Nikki bi lei taa a bi ta futoou taa Jehovah o heepi ën?