Gadu ta haika te i ta begi ën u?

ANDI DI BËIBEL TA TAKI?

• Gadu ta haika u. Di Bëibel ta lei u taa Jehovah „dë zuntu ku dee sëmbë dee ta bai kai ën ku wan limbo hati. . . . Te de ta suku heepi nëën, a o jei de.”​—Psalöm 145:18, 19.

• Gadu kë fii ta begi ën. Di Bëibel ta piki u di soni aki: „Un musu ta begi Masa Gadu nöömö ta dëën tangi. I musu ta tja hii dee fuka fii nango ta konda dëën.”​—Filipi 4:6.

• Gadu ta booko hën hedi ku i tuutuu. Gadu sabi un bookohedi ku un fuka u abi, nöö a kë heepi u. Di Bëibel ta piki u di soni aki: „Tuwë hii dee fuka fii tuu da Gadu e, dee sëmbë, biga a a’ toobi ku i.”​—1 Petuisi 5:7.