Soni di sa heepi i fii ko sa’ u öndösuku soni möön bunu
Di buku Ondrosuku Bijbel moro fini—Gi Yehovah Kotoigi ta heepi i fii fusutan di Bëibel möön bunu ö?
Di buku aki ta heepi u fuu sa fusutan di Wöutu u Gadu möön bunu. A sa taki u di fasi fa soni bi waka a di woto di de taki soni fëën a wan tëkisi, a sa taki faandi mbei de bi sikifi ën, ambë de bi sikifi ën da, nasö andi so u dee wöutu kë taki.
Di Watchtower ONLINE LIBRARY™ ku di JW Library® tuu ta da i pasi fii sa öndösuku soni u wan Bëibel tëkisi a di buku Ondrosuku Bijbel moro fini—Gi Yehovah Kotoigi. I sa feni dee pisi u di buku aki a di pisi di ta jabi a bandja së te i ta lesi di Bëibel, aluwasi un Bëibel i ta lesi.
Te i ta lesi dee pisi u di buku dë, nöö buta pakisei a di pisiten di de bi sikifi de. Dee möön njunjun woto ta dë a liba. A möön basu i sa si dee möön gaandi woto dee ta taki u soni di de tooka, u di de ko ta fusutan de möön bunu.
Dee pisi u di buku Ondrosuku Bijbel moro fini dee ta taki soni u wan vers ta dë u feni a Watchtower ONLINE LIBRARY.
Ee i kë feni dee pisi u di buku Ondrosuku Bijbel moro fini a di JW Library app, nöö i sa download ën tei, söseei i sa ta update ën te wan njunjun soni ko. I sa download ën tei te i jabi wan kapitë u di Bëibel, nöö i zin a download, a liba u di pisi di ta jabi ko a bandja.