Ko sa’ u öndösuku soni möön bunu

Unfa i sa ko sabi taa u ko fusutan so pisi u di Wöutu u Gadu möön bunu?

U abi di gaandi u libi a wan apaiti ten seei. U ta libi a wan ten ka Jehovah ta tja di Wöutu fëën ko a limbo da sëmbë gaanfa möön dee ten dee pasa. Nöiti a bi tja di Wöutu fëën ko a limbo da sëmbë sö wan daka (Dan. 12:4). Ma hii fa soni dë sö, tökuseei a sa ta taanga da u, fuu ko sabi andi da dee njunjun fasi fa u ko ta fusutan di Wöutu u Gadu. Wë nöö, unfa u sa ko sabi dee njunjun fasi fa u ko ta fusutan di Wöutu u Gadu, nöö naasë u sa feni dee soni dee o heepi u fuu ko fusutan de?

• Wantu pikipiki soni dë di i sa feni a di buku Ondrosuku Bijbel moro fini​—Gi Yehovah Kotoigi. Go a di pisi „Tori”, „Yehovah Kotoigi”, nöö i suku „Wi kon frustan Bijbel moro bun”.

• I sa feni sömëni soni a di pisi „Geloofsopvattingen Opgehelderd”, di dë a di Index van Wachttoren-publicaties. De seti de buta ku jaa. Ee i kë si dee peipei woto dee dë, nöö i sa sikifi „Geloofsopvattingen Opgehelderd” (i musu sikifi ën ku dee aanhalingstekens) a di kamian ka de ta sikifi suku soni a Watchtower Library nasö a Watchtower ONLINE LIBRARY^™.

Te joo lei soni u Bëibel, nöö kandë a bi o bunu fii buta pakisei a wan u dee soni di dee baaa ko fusutan möön bunu, söseei a bi o bunu fii luku unfa di njunjun fasi fa de ko fusutan soni dë ta kai ku Bëibel.