Ko sa’ u öndösuku soni möön bunu
Ko sabi dee kanda fuu a hedi
„Te mi ta fii bookosaka, nöö Jehovah ta da mi taanga ku dee kanda u JW Broadcasting®.”—Lorraine, u Amëëkanköndë.
Di kanda di u ta kanda gafa Gadu, da wan pisi u di dini di u ta dini ën (Kol. 3:16). Ee i ko sabi dee kanda fuu a hedi, nöö a sa heepi i ee ja abi di kanda buku fuu. Pooba dee soni dee dë a basu aki fii sa hoi wantu u dee kanda fuu a hedi.
Tei ten lesi dee wöutu bunu fii sa fusutan di kanda. Te i fusutan wan soni bunu, nöö an ta taanga u hoi a hedi. Dee wöutu u hii dee kanda fuu dë jw.org. I sa feni de te i go a di pisi de kai buku ku woto soni, nöö i go a poku.
Sikifi dee wöutu u di kanda a wan pampia. Te i du di soni aki, nöö a o heepi i fii hoi di kanda a hedi möön gaanfa.—Deto. 17:18.
Kanda taanga. Lesi, nasö kanda di kanda sömëni pasi.
Luku ee i sabi di kanda. Pooba u luku ee i sabi dee wöutu u di kanda söndö fii luku di pampia, baka di dë nöö i luku di pampia fii sa si ee i sabi ën bunu tjika.