Dee sëmbë dee dë u futoou ta du andi de paamusi

Lesi Kuutuma 11:30-40 fii si fa Jefita ku di mujëë mii fëën bi du di soni di de bi paamusi Jehovah taa de bi o du.

Lei möön soni u di woto. Unfa dee Isaëli sëmbë dee bi abi biibi, bi ta si dee soni dee de bi ta paamusi Jehovah taa de o du? (Nöb. 30:2) Unfa Jefita ku di mujëë mii fëën bi lei taa de ta biibi Jehovah?​—Kuutm. 11:9-11, 19-24, 36.

Öndösuku soni möön fini. Andi bi dë a Jefita pakisei di a bi paamusi Jehovah taa a o dëën di fosu sëmbë di o kumutu a wosu ko miti ën? (w16.04. bld. 7 pal. 12) Andi Jefita ku di mujëë mii fëën bi disa sö taa de bi sa hoi deseei a di soni di Jefita bi paamusi Jehovah? (w16.04 bld. 7-8 pal. 14-16) Andi da dee soni dee wan Keesitu sëmbë sa paamusi Jehovah taa a o du a di ten aki?​—w17.04 bld. 5-8 pal. 10-19.

Pakisei luku unfa i sa du dee soni dee i lei. Hakisi iseei taa:

• ’Andi sa heepi mi u mi hoi miseei a di paamusi di mi paamusi Jehovah taa mi o dini ën u nöömö?’ (w20.03 bld. 13 pal. 20)

• ’Un soni mi sa disa, sö taa mi sa abi möön hia ten u dini Jehovah?’

• ’Andi sa heepi mi u mi möön dë kabakaba u hoi miseei a di buka di mi mbei a di daka di mi tööu?’ (Mat. 19:5, 6; Ef. 5:28-33)