Söi taa i lobi Gadu

Ee i kë hoi wan sëmbë kuma mati, nöö i musu ta fan ku ën. Joo ta haikëën, nöö a o ta haika i tu. Söseei joo ta konda bunu soni fëën da wotowan. Di seei fasi nöö a dë te i dë wan mati u Gadu. Luku andi di Bëibel ta taki u di soni aki:

Begi Jehovah hii juu. ’Un musu ta begi hii juu.’​—Loomë 12:12.

Lesi Bëibel, di Wöutu u Gadu. ’Gadu hën mbei sëmbë sikifi dee pisipisi u di Buku fëën. Hën mbei di Buku sa heepi i fii sabi di lei u Gadu di dë tuutuu. A sa heepi i tu, fu te ja ta libi bunu, nöö a leti i buta a pasi. A sa bai i seei fii disa hogi libi.’​—2 Timoteo 3:16.

Lei wotowan soni u Gadu. ’Nöö un musu ta waka a dee köndëköndë u goonliba ta paaja di buka u mi da hii sëmbë, be de bia ko dë bakama u mi kuma unu. . . . Lei de u de hoi hii dee soni tuu dee mi manda unu fuun musu ta du kaa.’​—Mateosi 28:19, 20.

Ko zuntu u dee mati u Gadu. „Di sëmbë di ta waka ku köni sëmbë, o ko köni tu.”​—Nöngö 13:20.

Go a dee komakandi di ta hoi a di Könuköndë zali. „Un boo buta mëni a di fa u sa du u heepi u seei fuu libi bunu ta lobi u seei makandi.  . . Ta da u seei taanga nöömö.”​—Hebelejën 10:24, 25.

Hoi baka da di Könuköndë wooko. „Ee wan sëmbë o da, nöö be a da ku piizii nëën hati, ma na ku guunjan kuma sëmbë duwengi ën. Biga di sëmbë di ta da soni ku wai nëën hati, hën Gadu ta lobi.”​—2 Kolenti 9:7.