’Waka nanga bribi, no nanga san ai e si’

Kölö sö ufö dee sodati u Loomë ko lontu Jelusalen u booko ën kaba sösö, apösutu Paulosu bi sikifi taa u di Keesitu sëmbë dë kuma bumbuu sodati u Keesitu, mbei de bi musu hoi a pakisei taa libi bi sa ko taanga da de, nöö de an bi musu ta kule a gudu baka, söseei de an bi musu ta pakisei u ta piizii nöö (2 Tim. 2:3, 4). U di u sabi andi o miti di hogi goonliba aki, mbei u musu abi wan taanga biibi u soni an puu u pakisei a di dini di u ta dini Jehovah (2 Kol. 4:18; 5:7). Luku di fëlön ’Waka nanga bribi, no nanga san ai e si’. (Go a jw.org/srn, nöö go a di pisi BUKU NANGA TRA SANI > FELEM.) Nöö pooba u si fa di lobi di Naham ku Abitali bi lobi gudu bi mbei hogi miti de. Baka di dë, luku dee hakisi dee dë a basu aki.

(1) Andi bi da „di gaan hogi di . . . hopo ën seei buta leti a di kaba apaiti kamian u Masa Gaangadu Wosu” a di fosu jaahöndö, nöö andi dee Keesitu sëmbë dee bi ta libi a Jelusalen bi musu du wantewante te de si ën? (Mat. 24:15, 16) (2) Faandi mbei wan sëmbë di bi musu kule kumutu a di foto bi musu abi wan taanga biibi? (3) Andi wan sëmbë bi musu disa a baka faa bi sa kule kumutu a di foto? (4) Faandi mbei Naham ku Abitali bi ta biabia? (Mat. 24:17, 18) (5) Un woto tesi bi miti Lakëli di a bi nango kumutu a Jelusalen? (Mat. 10:34-37; Maik. 10:29, 30) (6) Unfa Etan bi lei taa a abi biibi a Jehovah, söseei taa a ta futoou ën? (7) Un fuka dee Keesitu sëmbë bi ta miti di de bi dë a Pëla? (8) Unfa a du ko taa pikipiki di biibi u Naham ku Abitali bi ko suwaki? (9) Unfa Jehovah bi ta sölugu dee Keesitu sëmbë dee bi ta libi a Pëla? (Mat. 6:33; 1 Tim. 6:6-8) (10) Unfa u sa djeesi Abahamu ku Sala a dee lasiti daka aki? (Heb. 11:8-10) (11) Andi Naham ku Abitali bi ta pakisei u te de bi ko biibi taa a dë wan bunu soni u toona go baka a Jelusalen, nöö faandi mbei di pakisei u de, an bi bunu? (Luk. 21:21) (12) Unfa soni bi dë tuutuu di Naham ku Abitali bi go dou a Jelusalen? (13) Faandi mbei u musu mbei di biibi fuu ko taanga nöunöu, ufö di kaba u di goonliba aki dou?​—Luk. 17:31, 32; 21:34-36.

Libi ku biibi kë taki taa: (1) u ta biibi dee soni dee Jehovah ta piki u fuu du, (2) u ta mbei a tii u, ku (3) u ta lei taa dee soni u di goonliba aki an fanöudu möön di dini di u ta dini Gadu. Boo dë kabakaba u libi ku biibi, u di u ta futoou taa „di goonliba aki o kaba ku hii dee lö libi dë tuu fia. Ma dee sëmbë dee ta piki Masa Gadu buka, de, de an o kaba möönsö, ma de o dë u teego”.​—1 Joh. 2:17.