Wooko ku soni di sëmbë sa si

Kenesesi 15:5

DI SONI DI I MUSU DU: Wooko ku soni di dee haikama sa si u de sa fusutan dee fanöudu soni dee i kë lei de, söseei u de sa ta mëni de baka.

FA I MUSU DU ËN:

• Lei sëmbë soni di de sa si u de fusutan di taki fii möön bunu. Wooko ku peentje, kaita, nasö woto soni di o mbei dee haikama fusutan dee möön fanöudu soni. Na wooko ku de u taki u pikipiki soni a di taki fii. Be dee haikama an mëni dee peentje, dee kaita, ku dee woto soni nöö, ma de musu mëni dee fanöudu soni di i bi kë lei de ku dee soni dë.

• Be dee haikama sa si dee soni dee i kë lei de. Boo taa joo lei dee haikama wan peentje, nöö a musu bigi tjika u hii sëmbë sa si ën.