Andi a kë taki u na tei sëmbë së?

Jesosi bi piki dee bakama fëën taa de an musu dë „wan pisi u di goonliba aki” (Johanisi 15:19). Di soni aki kë taki taa wa o tei së a politiki soni ku feti soni u di goonliba aki. A dë sö tuu taa so juu a dë wan taanga soni u na tei sëmbë së. Sëmbë sa ta mbei u fa u di wa ta du ën. Unfa u sa lei taa wa ta tei sëmbë së, ma u ta hoi useei a Jehovah Gadu?

1. Unfa tuutuu Keesitu sëmbë ta si dee tiima u di goonliba aki?

Dee Keesitu sëmbë ta lesipeki dee tiima. U ta du andi Jesosi bi taki, nöö „u ta da Gaan Könu di soni di dë u Gaan Könu”. Hën da u ta hoi useei a dee wëti u di köndë. Wan u dee wëti dë da di paka di u ta paka lanti möni (Maikusi 12:17). Di Bëibel ta lei u taa dee tiima u di goonliba aki ta tii, u di Jehovah da de pasi u tii (Loomë 13:1). Fëën mbei u ta fusutan taa dee tiima an abi makiti kuma Gadu, nöö de an sa du hii soni di de kë. U ta buta futoou a Gadu ku di tii fëën di dë a liba ala, taa hën o puu hii dee fuka u libisëmbë.

2. Unfa u sa lei taa wa ta tei së a politiki soni?

Leti kuma Jesosi, wa nango nama ku politiki soni u wan köndë. Di dee sëmbë bi si wan u dee foombo soni di Jesosi bi du, hën de bi pooba u butëën ko könu, ma an bi kë (Johanisi 6:15). Faandi mbei? Wë a bi taki bakaten taa: „Di tii u mi an dë wan pisi u di goonliba aki” (Johanisi 18:36). U dee bakama u Jesosi, ta lei taa wa ta tei së a na wan politiki soni ku woto soni u di goonliba aki. Fëën mbei wa nango a feti. (Lesi Mika 4:3.) U ta lesipeki dee soni u wan köndë, kuma di faaka sö, ma wa ta dini de (1 Johanisi 5:21). Nöö wa ta tei së da wan politiki paatëi nasö da wan sëmbë u wan politiki paatëi. A dee lö soni aki ku woto soni jeti, u ta lei taa u ta hoi useei a di Tii u Gadu ku hii u hati.

WOTO SONI DI I SA LEI

3. Dee tuutuu Keesitu sëmbë an ta tei së a na wan soni

Jesosi ku dee bakama fëën bi lei u andi u musu du. Lesi Loomë 13:1, 5-7 ku 1 Petuisi 2:13, 14. Baka di dë, pëë di FËLÖN, nöö piki di hakisi aki.

FËLÖN: Tuutuu Keesitu sëmbë an ta tei së​—Pisi 1 (4:28)

• Faandi mbei u musu ta lesipeki dee tiima?

• Andi da wantu fasi fa u ta lei taa u ta saka useei a de basu?

Te gaan feti ta feti, nöö so köndë ta taki taa de an ta tei së, ma de ta heepi dee tu köndë dee ta feti. Andi a kë taki tuutuu u na tei sëmbë së? Lesi Johanisi 17:16. Baka di dë, pëë di FËLÖN, nöö piki di hakisi aki.

FËLÖN: Tuutuu Keesitu sëmbë an ta tei së​—Pisi 2 (3:11)

• Andi a kë taki u na tei sëmbë së?

Andi joo du ee dee tiima kë fii du wan soni di an ta kai ku dee wëti u Gadu? Lesi Tjabukama 5:28, 29. Baka di dë, pëë di FËLÖN, nöö piki dee hakisi aki.

FËLÖN: Tuutuu Keesitu sëmbë an ta tei së​—Pisi 3 (1:18)

• Ee wan wëti u lanti an ta kai ku di u Gadu, nöö undi u de joo hoi? Di u Gadu naa di u lanti?

• Na un ten dee dinima u Jehovah an o piki dee tiima buka?

4. Dee soni dee i ta pakisei ku dee soni dee i ta du musu lei taa ja ta tei së

Lesi 1 Johanisi 5:21. Baka di dë, pëë di FËLÖN, nöö piki dee hakisi aki.

FËLÖN: Tuutuu Keesitu sëmbë abi degihati fanöudu u de an tei së a politiki soni ku feti soni (2:49)

• Faandi mbei Ayenge an bi kë go nama ku politiki soni nasö kanda da di faaka?

• I si kuma a bi du wan köni soni ö?

Na un woto soni u sa lei taa wa ta tei së? Pëë di FËLÖN, nöö piki dee hakisi aki.

FËLÖN: Andi u ta lei u di Hei Wakitimawosu?​—Na tei sëmbë së a di goonliba aki di ta paati sëmbë ku sëmbë (5:16)

• Unfa u sa lei taa wa ta tei sëmbë së te köndë ku köndë ta pëë?

• Unfa u sa lei taa wa ta tei sëmbë së a politiki soni aluwasi u bi o feni wini u wan soni di wan politikima bi o du?

• Unfa dee njunsu dee u ta haika nasö dee sëmbë dee u ta hulu sa mbei u tei sëmbë së?

ANDI I LEI?

Dee tuutuu Keesitu sëmbë ta mbei taanga möiti u na tei së a politiki soni ku dee soni di de ta pakisei, ku dee soni di de ta taki, söseei ku dee soni di de ta du.

Andi i bi o piki?

• Andi dee tiima abi leti u hakisi u?

• Faandi mbei wa ta tei sëmbë së a politiki soni?

• Na un ten a sa taanga da u fu wa tei sëmbë së?

WOTO SONI DI I SA LUKU

Luku di fëlön aki fii si andi da so soni di u musu disa fu wa tei sëmbë së

Nöiti Jehovah go disa u (3:14)

Luku di fëlön aki fii si andi sëmbë u wan wosudendu sa du u seeka deseei a fesi u de an tei sëmbë së a politiki soni

Na tei së a dee soni u di goonliba aki aluwasi ka i dë (4:25)

Luku di fëlön aki fii si faandi mbei di feti di wan sëmbë ta feti da di köndë fëën an ta tja gafa ko dëën tuutuu

„Soni an dë di Gadu an sa du” (5:19)

Lesi di woto aki fii si unfa i sa lei taa ja dë wan pisi u di goonliba aki te i musu luku un wooko joo du.

„Ibri sma sa tyari en eigi lai” (A Waktitoren, 15 u gaanliba 2006)