Den toe moro bigi demonstratie foe lobi di oiti ben sori
„Gado ben lobi grontapoe sote dati a ben gi en wan enkri gebore Manpikin sodati ibriwan sma di sori bribi na ini en . . . ben sa abi tego libi.” — JOHANNES 3:16.
1. San den wortoe wani taki „Gado na lobi”?
„Gado na lobi.” Na apostel Johannes taki disi toe tron (1 Joh. 4:8, 16). Ija, Jehovah abi foeroe lobi sondro foe waka psa den égifasi foe en foe koni, regtvaardikif asi nanga makti. Boiti foe dati, en Na lobi. En na lobi ini skin èn ini persoon. Joe ben sa kan aksi joesrefi: ’Mi sabi foe san-ede dati de so? Mi ben sa kan gi wan krin uitleg nanga jepi foe bewijsi ofoe eksempre dati en na lobi? Èn fa disi e wroko tapoe mi libi èn activiteit?’
2. Sortoe demonstratie di wi kan si foe na lobi foe Gado e lontoe wi?
2 Fa Jehovah gi boen foeroe lobi psa marki na en libisma mekisani na grontapoe! Go prakseri pikinso foe na volmaakti moi-fasi foe wi ai èn na volmaaktifasi fa den e wroko na wondroe bow foe wi tranga bonjo, na krakti foe wi tité èn na firi di wi e firi sani esesi nanga wi anoe. Wi abi ala rede foe piki nanga tranga sten den firi foe na psalmsingiman di a ben taki: „Mi sa prijse joe foedi joe ben meki mi na wan wondroefasi di e gi frede.” Loekoe pikinso ooktoe den bigi bergi, den tiri kriki kriki nanga krin watra, den gron foe mofo jari di lai nanga bromki èn den moi kloroe te son e dongo. „O foeroe den wroko foe joe de, O Jehovah! Joe ben meki den alamala nanga koni. Grontapoe foeroe nanga den sani di joe ben meki.” — Psalm 139:14; 104:24.
3, 4. Sortoe eksempre foe a sori foe lobi foe na sé foe Gado tanapoe ini den Hebrew Boekoe foe na bijbel?
3 Gado no ben stop foe sori en lobi di den fosi libisma mekisani foe en ben meki oproeroe. Jehovah ben sori foe eksempre lobi di a ben gi na fosi trowpaar dati primisi foe meki pikin di ben sa kan gebroiki Jehovah seti nanga jepi foe en „siri” foe na pramisi (Genesis 3:15). Bakaten a ben meki Noach bow wan ark foe hori na libisma geslagti nanga tra grontapoe mekisani na libi (Genesis 6:13, 21). Moro fara a ben sori bigi lobi gi Abraham di sma ben kon sabi leki Jehovah mati (Genesis 18:19; Jesaja 41:8). Di Gado ben fri den bakapikin foe Abraham komoto foe a katibo foe Egypte, dan disi ben de wan sori moro fara foe en lobi, soleki wi e lési ini Deuteronomium 7:8: „Foedi Jehovah ben lobi oenoe, meki Jehovah ben tjari oenoe go a doro nanga tranga anoe.”
4 Ala di den Israëlsma no ben sori tangi èn foeroe tron ben meki oproeroe, tokoe Gado no ben trowe den wantewante. Na presi foe dati a ben begi den tranga nanga foeroe lobi: „Drai baka gi joe takroe pasi, bikasi foe san-ede joe ben sa dede, o oso foe Israël?” (Ezechiël 32:11) Ma awinsi Jehovah na lobi ini persoon, tokoe a de ooktoe regtvaardiki èn koni. Foe dat’ede a ten ben kon dati en oproeroe pipel ben tesi en langa pasensi te na a kriboi pisi! Den ben go so fara dati „kon betre no ben de moro” èn foe dat’ede a ben gi pasi dati den ben go na ini katibo na ini Babylon (2 Kronieken 36:15, 16). Srefi dan Jehovah no ben hori en lobi ete foe alaten a baka. A ben sorgoe dati wan fikapisi foe den ben mag drai gobaka na den gebortoe kondre 70 jari na baka. Lési Psalm 126 pikinso èn loekoe drape sortoe firi a drai gobaka ben wiki ini den sma di ben drai go baka.
Sani di ben e sreka gi en moro bigi sori foe lobi
5. Foe san-ede wi kan taki dati a ben de wan sori foe a lobi foe Gado dati a ben seni en Manpikin kon na grontapoe?
5 Bakaten na ini a historia a ten ben doro gi Jehovah foe sori en lobi tapoe a moro bigi fasi di de. A ben de troetroe wan lobi di ben de klari foe tjari wan offer. Foe seti sani foe dati meki Jehovah ben tjari a libi foe en wan enkri gebore Manpikin leki wan jeje ini hemel go na a moeroe foe a djoe njoenwenke Maria (Mattéus 1:20-23; Lukas 1:26-35). Go denki na a spesroetoe krosbé banti di ben de a mindri Jehovah èn en Manpikin. Wi e lési foe Jezus en libi, bifo a ben tron libisma foe soema den boekoe foe a bijbel ini agersi tongo e taki foe en leki foe na koni ini persoon: „Mi [ben tron] leki wan méstri wrokoman sé en [Gado], èn mi ben tron a sma tapoe soema en lobi spesroetoe ben de dé nanga neti aladi alaten mi ben de nanga prisiri na en fesi” (Odo 8:30, 31). Joe no ben kan agri foe dat’ede dati soso kaba dati Gado wan enkri gebore Manpikin ben gwe libi na de-noja foe en hemel Tata ben de wan offer gi Jehovah?
6. Sortoe belangstelling leki wan papa ini a fosten libi foe Jezus Jehovah ben moe sori?
6 A no de foe taki dati Jehovah nanga bigi belangstelling di no ben de slap ben e loekoe fa en Manpikin ben gro foe sensi a momenti dati a ben wiki na ini a moeroe foe en libisma mama. Na santa jeje foe Gado ben de abra Maria sodati noti ben sa kan doe na embryo di ben e gro ogri. Jehovah ben sorgoe dati Jozef nanga Maria ben sa go na Bethlehem foe na teri foe na pipel, sodati Jezus leki wan kon troe foe Micha 5:2 ben sa kan gebore drae. Nanga jepi foe wan engel Gado ben warskow Jozef foe na ogri-ati plan foe kownoe Herodes foe kiri, èn disi ben poesoe Jozef nanga en osofamiri foe wai go na Eypte, pe den ben tan te na dede foe Herodes (Mattéus 2:13-15). Gado sondro degedege ben sori moro belangstelling ete gi na fasi tapoe fa Jezus ben e gro èn ben e ontwikkel ensrefi. Fa a ben gi Gado bigi prisiri foe si fa na Jezus foe twarfoe jari ben meki den leriman nanga trawan na ini a tempel froewondroe foe den aksi di a ben aksi èn den piki di a ben gi. — Lukas 2:42-47.
7. Foe sortoe dri sani di taki e kon na krin dati Gado ben abi belangstelling ini a diniwroko foe Jezus?
7 Tina-aiti jari a baka Jehovah ben si fa Jezus ben go na Johannes a Dopoeman foe meki a doekroen en go ondro watra. Ne a meki nanga foeroe prisiri en santa jeje saka kon a tapoe Jezus èn a ben taki: „Disi na mi Manpikin, na lobiwan di mi ben feni boen” (Mattéus 3:17). Ibri kristen papa kan tjari kon pikinso a prakseri fa a ben moe de wan switi sani gi Gado foe loekoe a diniwroko foe Jezus èn foe si a tapoe sortoe fasi a ben meki ala prijse kon na en hemel Tata. Na wan bepaalde okasi Jezus ben teki wantoe apostel go na wan hé bergi. Drape Jehovah ben meki kristus skin gi wan brenki faja di no de foe grontapoe, èn a Tata ben taki: „Disi na mi Manpikin, mi lobiwan, di mi ben feni boen; arki na en” (Mattéus 17:5). Jehovah ben meki sma jere di foe dri tron en sten leki wan piki tapoe Jezus begi ofoe Gado ben wani gi en égi nen grani. Jehovah ben taki: „Mi ben gi en grani èn mi sa gi en grani ete wantron.” A de krin taki disi e taki moro spesroetoe foe na boen foe Jezus, bika son sma di ben de na en, ben denki dati wan engel ben taki, aladi tra sma ben denki taki dondroe ben bari. — Johannes 12:28, 29.
8. Sortoe firi na lobi foe Gado e tjari kon na ini joe?
8 Joe kon na sortoe bosroiti bakadi oen loekoe sjatoe na fasi tapoe fa Gado ben handri nanga en Manpikin èn na belangstelling di a ben sori gi en? A moe de krin dati Jehovah ben lobi srefsrefi en wan enkri gebore Manpikin. Loekoe nanga disi ini prakseri èn nanga a froestan di joe e froestan den firi di pikinmoro ibri papa nanga mama abi gi en wan enkri pikin san ben psa moro fara — Jezus ofrandi dede.
Na moro bigi demonstratie foe lobi
9, 10. San ben de a moro bigi demonstratie foe lobi foe Gado gi a libisma-famiri, èn sortoe kotoigi foe na bijbel e kisi nanga dati krakti?
9 A bijbel e meki wi si dati wi hemel Tata abi empathie (dati wani taki dati a man foe poti ensrefi na ini a situwasi foe wan trawan). Na ini Jesaja 63:9 wi e lési foe en pipel Israël: „Ini ala na benawtoe foe den a ben de wan benawtoe sani gi en. Èn en égi persoonlek boskopoeman ben ferloesoe den. Na ini en lobi èn na ini en sar’ati a ben bai den baka ensrefi èn a ben go abra foe opo den èn foe tjari den ala den dé foe langaten pasa kaba.” Fa a ben moe benawtoe Jehovah Gado moro foe jere èn foe si na „tranga babari nanga watra-ai” foe Jezus (Hebrewsma 5:7). Jezus ben begi na a fasi dati na ini na djari foe Gethsémané. Den ben kisi en, èn den go ondrosoekoe sani na en, den ben naki en èn krawasi en èn den ben druk wan maka kroon na tapoe en ede. Hori boen na ini prakseri dati en lobi Tata ben en loekoe ala den sani disi. A ben si ooktoe fa Jezus ben stotoe foetoe fadon na ondro na hebi foe na paal di den ben o go kiri en èn fa en Manpikin te foe kaba ben spikri poti na a paal dati. Meki oen no frigiti dati Gado ben kan tapoe dati en lobi Manpikin ben ondrofeni na pina disi. Tokoe Jehovah ben gi pasi dati Jezus ben pina so foeroe. Foe di Gado abi firi meki a loekoe di a ben loekoe den sani disi di ben e pasa sondro degedege ben moe gi en moro foeroe pen di a ben kisi oiti ofoe di a ben sa kisi ete.
10 Te wi loekoe ala den sani disi di taki a fesi dan wi kan froestan omeni betekenis didon ini den wortoe foe Jezus gi Nikodémus: „Gado ben lobi a grontapoe sote dati a ben gi en wan enkri gebore Manpikin sodati ibri wan sma di e sori bribi na ini en no ben sa pori, ma ben sa abi tego libi” (Johannes 3:16). Den wortoe foe Johannes, Jezus lobi apostel wani taki asrefi: „Nanga disi na lobi foe Gado e kon na krin na ini wi geval dati Gado ben seni en wan enkri gebore Manpikin go na grontapoe leki zoenoffer gi wi sondoe.” — 1 Johannes 4:9, 10.
11. Fa na apostel Paulus e meki kon boen a fesi san de a moro bigi demonstratie foe a lobi foe Gado?
11 Foe dat’ede meki joe kan froestan foe san-ede na apostel Paulus na ini Romeini 5:6-8 e poti krakti na tapoe na bigi lobi foe Jehovah nanga den wortoe di e kon now: „Aladi wi ben de swaki ete, dan Kristus ben dede tapoe na joisti ten gi goddelowsoesma. Bika nanga foeroe moeiti wan sma sa dede gi wan regtvaardikiwan, ija gi na boenwan wan sma kande abi na dek’ati ete foe dede. Ma Gado e rikomanderi en égi lobi na wi ini disi, dati Kristus ben dede gi wi aladi wi ben de sondari ete.” Dati Jehovah Gado ben meki en wan enkri gebore Manpikin kon na grontapoe, èn ben meki a ondrofeni pina èn ben dede wan dede sondro grani, ben de seker na moro bigi demonstratie foe na lobi foe Gado.
A de a wán di de baka a moro bigi demonstratie
12, 13. (a) Na sortoe fasi na sori foe Jezus foe lobi ben de aparti? (b) Fa Paulus e poti prakseri tapoe a bigi lobi foe Jezus?
12 Kande joe aksi oesrefi sortoe lobi de na wan di e kon baka na Moro bigi demonstratie foe lobi. Jezus Kristus ben taki: „Nowan sma abi moro bigi lobi leki disi, dati wan sma e poti e sili a wan sé foe a boen foe en mati” (Johannes 15:13). A de troe taki na ini a heri historia foe na libismafamiri wantoe sma ben de di ben offer den libi gi trawan. Ma a libi di den ben abi, ben de soso foe wan sjatoe ten, tide ofoe tamara den ben sa moe dede tokoe ete. Ma Jezus Kristus ben de wan volmaakti libisma di ben abi a reti tapoe libi. A no ben sa dede leki wan bakapikin foe wan dedestrafoe di a ben kisi, wan lot di na heri libisma famiri te na a momenti dati ben ondrofeni èn e ondrofeni ete èn ooktoe a de so dati wan sma sondro dati Jezus ben gi pasi oiti ben kan teki Jezus libi nanga tranga (Johannes 10:18; Hebrewsma 7:26). Kari den wortoe foe en kon ini joe prakseri: „Joe no e denki dati mi kan aksi mi Tata na a momenti disi foe gi mi moro leki 12 legioen engel?” — Mattéus 26:53; Johannes 10:12, 18.
13 Wi kan froestan sani moro fara foe a lobi di ben de ini san Jezus ben doe, te wi go loekoe a sani di e kon now finifini: Aladi Jezus ben abi wan glori libi leki wan jeje mekisani ini hemel, pe a ben e libi leki na krosbé mati èn kompe-wrokoman foe na universele soeverein nanga kownoe foe tego, tokoe a ben gi na libi dati adjosi èn foedi lobi sondro gridifasi ben poesoe en a ben doe na sani di na apostel Paulus ben ferteri wi foe en: „Aladi a ben de na ini a skin foe Gado, tokoe a no ben go prakseri foe nanga tranga teki sani abra, dati wani taki foe poti ensrefi speri foe Gado. Nono, ma a ben légi ensrefi, èn a ben teki na skin foe wan srfoe èn a ben tron leki den libisma. Moro ete, di a ben de ini a fasi foe wan libisma, a ben saka ensrefi èn a ben gi jesi te na dede, ija, na dede na wan pina-oedoe.” — Filippi 2:6-8.
14. San na proféti Jesaja taki foe na bigi demonstratie foe a lobi foe Jezus?
14 Dati no ben de wan sori foe lobi? Seker — wan demonstratie di ben de so bigi dati soso na demonstratie foe lobi foe na sé foe Jehovah Gado, en hemel Tata, ben de moro bigi. Den proféti wortoe di skrifi na ini Jesaja kapitel 53, e kotoigi foe ala sani san Jezus ben ferdrage: „Den ben feragti en èn sma ben tan farawe foe en, wan man di ben de foe sari èn di ben de nanga siki troetroe, den siki foe wi a ben tjari; èn foe den sari foe oenoe sé, a ben tjari. Ma wi ben si en leki wan plaag, foedi Gado ben naki en èn ben pina en. Ma den ben soetoe en foe wi sondoe ede; den ben masi en foe den ogridoe foe wi ede . . . foe den soro foe en a kon-boen foe wi kon . . . a ben kanti en sili trowe srefi na ini dede.” — Jesaja 53:3-5, 12.
15, 16. Foe sortoe wortoe foe Jezus wi kan si dati foe en sé wi kan taki troetroe foe wan offer?
15 Foe ala sani di ben de na ini a tori foe en dede, meki Jezus ben begi na ini a djari foe Gethsémané: „Mi Tata, efoe a kan pasa, meki na beker disi pasa gwe foe mi. Ma no so leki mi wani ma so leki joe wani.” (Mattéus 26:39). Foe san Jezus ben aksi di a ben taki den wortoe disi? A no ben wani moro langa foe de „na Lam foe Gado di e teki na sondoe foe na grontapoe gowe” (Johannes 1:29). A no ben wani taki dati, bika Jezus ben ferteri en discipel alatron baka, dati a ben sa moe pina èn dede èn ben taki srefi tapoe sortoe fasi a ben sa dede (Mattéus 16:21; Johannes 3:14). Jezus soboen ben moe abi wan tra sani ini prakseri di a ben begi so.
16 Sondro degedege Jezus ben broko en ede foe na kragi foe a spotoe foe Gado di, solekl a ben sabi ben sa psa, den ben poti na en tapoe, na moro bigi ogridoe di wan djoe ben kan doe. Foe san-ede a ben sa broko en ede foe wan falsi kragi? Foedi en dede na ondro a onstandigheid dati ben sa tjari sjen kon tapoe en hemel Tata. Ija, na sondro fowtoe Manpikin foe Gado, di ben lobi regtvaardikifasi sote èn di no ben wani si kroektoedoe na ai srefsrefi èn di ben kon na grontapoe foe gi grani na a nen foe en Tata, Gado égi pipel ben sa kiri en now leki wan sma di ben spotoe Jehovah Gado. — Hebrewsma 1:9; Johannes 17:4.
17. Foe san-ede na sortoe foe dede foe san Jezus ben kon tanapoe na en fesi ben sori taki a ben de sowan bigi tesi gi en?
17 Moro a fesi na ini en diniwroko Jezus ben taki: „Troetroe mi moe kisi dopoe nanga wan dopoe, èn fa ai benawtoe mi te leki a klari!” (Lukas 12:50) Now a dopoe disi ben doro en heimarki. A de krin dati foe dat’ede en sweti ben tron leki dropoe broedoe di a ben e begi (Lukas 22:24). Boiti foe dati wan hbi lai ben de tapoe en skowroe a neti dati, wan lai di wi froestan no kan graboe. A ben sabi dati a ben moesoe bewijsi en getrowfasi bika fa a ben sa de wan slag na ini a fesi foe Jehovah efoe a ben sa misi! Satan ben sa taki dati a ben abi leti èn dati Jehovah Gado no ben abi leti. Ma fa Satan Didibri ben kisi wan klap ini en fesi di Jezus ben sori te na ini dede dati a de getrow! Nanga dati a ben bewisi dati Satan de wan takroe èn grofoe èn bigi léman. — Odo 27:11.
18. Foe san-ede Jezus ben de na a neti dati na ondro wan bigi hebi druk?
18 Jehovah Gado ben abi sowan fertrow dati en Manpikin ben sa sori ensrefi loyaal dati a ben taki a fesi dati Jezus ben sa tan getrow (Jesaja 53:9-12). Tokoe Jezus ben sabi ooktoe dati a ben tjari a frantwortoe foe kibri en soifri-retifasi. A ben kan misi. A ben kan sondoe (Lukas 12:50). En égi tego libi èn di foe a heri libisma geslagti ben de ini kefar a neti dati. Fa dati ben tjari wan bigi hebi druk kon! Efoe Jezus ben broko kindi saka èn ben sondoe dan a no ben kan go aksi sari-ati tapoe na fundamenti foe wan srakti-ofrandi di wan tra sma ben tjari soleki wi leki onvolmaakti libisma ben kan doe dati.
19. San Jezus ben meki doe kon nanga jepi foe en libi-fasi pe a no ben e soekoe en égi wini?
19 Seker a ben de so dati na horidoro foe Jezus tapoe 14 Nisan foe na jari 33 G.T. ben de na moro bigi demonstratie foe sondro gridi lobi di oiti ben sori foe na sé foe sortoe libisma ooktoe, èn soso na fasi tapoe fa Jehovah Gado ben sori en lobi ben de moro bigi. Èn fa Jezus nanga jepi foe en dede ben tjari boen bigi sani kon gi wi! Nanga en dede a ben tron „na Lam foe Gado di ben tjari na sondoe foe grontapoe gowe” (Johannes 1:29). A ben sreka na pasi sodati 144.000 foe den sma di e waka na en baka ben sa kan de kownoe nanga priester foe tiri nanga en doesoen jari langa (Openbaring 20:6). Boiti foe dati den memre foe na „bigi ipi” „tra skapoe” ini a ten disi e njan boen foe Kristus offer èn kan abi na howpoe foe kan pasa libilibi na kaba foe na owroe seti disi foe sani. Den sa de den fosiwan di sa prisiri ini den blesi foe wan grontapoe paradijs. Sondro degedege a sa de so dati ooktoe miljardmiljard memre foe a libisma famiri sa kisi opobaka foe dede leki wan bakapisi foe san Jezus ben doe. Ooktoe den sa kisi na okasi foe prisiri na ini tego libi na ini a grontapoe Paradijs (Openbaring 7:9-14; Johannes 5:28, 29). Ija, „awinsi o foeroe den pramisi foe Gado de, den kontroe nanga jepi foe en”, dati wani taki nanga jepi foe Jezus Kristus. — 2 Korinte 1:20.
20. Fa wi moesoe doe tapoe den toe moro bigi demonstratie foe lobi foe na sé foe Jehovah Gado èn na sé foe Jezus Kristus?
20 A de seker wan sani di fiti dati wi sori warderi gi ala sani di Jehovah Gado nanga Jezus Kristus doe foe na boen foe wi foedi den meki wi tron a sani di e kisi a moro bigi demonstratie foe ala sori foe lobi. Wi moe gi den so wan sortoe warderi, èn efoe wi wani troetroe njan boen dorodoro foe den sori disi foe lobi, dan wi moe sori na warderi disi. Ini na artikel di e kon e kon na fesi san de wantoe foe den moro boen fasi tapoe fa wi kan doe disi.
Joe kan memre disi?
◻ Sortoe sori foe a lobi foe Gado ala sma kan si?
◻ Fa wi kan sabi dati Jehovah ben njan pina di a ben si en Manpikin e pina?
◻ Fa na dede foe Jezus di ben de foe a boen foe libisma ben kenki foe na dede foe tra sma di kande ben offer a libi foe den?
◻ Sortoe krakti na lobi di Jehovah nanga Jezus ben sori moe abi tapoe wi?