Incwadzi Yekucala YeTikhronike

20 Kwatsi nakucala umnyaka,* ngesikhatsi emakhosi laya ngaso etimphini, Jowabe+ wahola libutfo lemphi naliyohlasela, futsi lacotfula live laka-Amoni; Jowabe wafike wavimbetela iRabha+ kantsi Davide yena abeseJerusalema.+ Jowabe wahlasela iRabha futsi wayidzilita.+ 2 Davide wabese utsatsa umchele waMalkhamu enhloko yakhe, futsi watfola kutsi sisindvo sawo silithalenta* leligolide futsi lomchele bewunematje laligugu; wabese ubekwa enhloko yaDavide. Davide waphindze watitsatsela tintfo letinyenti kakhulu kulelidolobha.+ 3 Waphindze wakhipha bantfu lebebakulelidolobha wabayisa emsebentini,+ basaha ematje, labanye basebenta ngemathulusi ensimbi lacijile nangemazembe. Nguloko Davide lakwenta kuwo onkhe emadolobha ema-Amoni. Ekugcineni, Davide kanye nawo onkhe emasotja babuyela eJerusalema.

4 Ngemuva kwaloko, kwesuka imphi emkhatsini wema-Israyeli nemaFilisti eGezeri. Ngaleso sikhatsi Sibhekayi+ umHusha wabulala Siphayi wesive semaRefa+ futsi emaFilisti ancotjwa.

5 Kwaphindze kwesuka imphi emkhatsini wema-Israyeli nemaFilisti futsi Eli-hanani indvodzana yaJayire wabulala Lami, umnakaboGoliyathi+ umGathi, lebekanesikhali lesinesibambo lesingangelugodvo lwembongolo yekweluka.+

6 Kwaphindze kwesuka lenye imphi eGathi,+ lapho bekunendvodza lesidlakela,+ ineminwe lesitfupha esandleni ngasinye netintwane letisitfupha elunyaweni ngalunye, bekungu-24 sekukonkhe; nayo futsi iyintalelwane yemaRefa.+ 7 Beyichubeka nekwedzelela+ ema-Israyeli. Ngako Jonathani indvodzana yaShimeya,+ umnakaboDavide, wayibulala.

8 Laba bebayintalelwane yesive semaRefa+ eGathi,+ futsi babulawa nguDavide kanye netinceku takhe.