Kulandzisa KwaMakho
16 Naselendlulile liSabatha,+ Mariya waseMagdala, naMariya+ make waJakobe kanye naSalome, batsenga emakha kuze bayogcobisa sidvumbu saJesu.+ 2 Ekuseni kakhulu ngelilanga lekucala evikini,* baya ethuneni, befika seliphumile lilanga.+ 3 Babese babutana bodvwa batsi: “Ngubani lotasigicitela lelitje lelivale umnyango walelithuna?” 4 Kodvwa batsi nabaphakamisa emehlo, babona kutsi lelitje beselisusiwe nanobe belilikhulu kakhulu.+ 5 Nabangena ekhatsi ethuneni, babona lijaha lihleti ngesekudla salelithuna ligcoke ingubo lemhlophe, futsi besaba. 6 Latsi kubo: “Ningesabi.+ Angitsi nifuna Jesu waseNazaretha lobekabulawelwe elugodvweni. Uvusiwe+ futsi akekho lapha. Nayi indzawo lebekabekwe kuyo.+ 7 Ngako hambani niyobikela bafundzi bakhe kanye naPhetro, nitsi: ‘Nyalo usendleleni uya eGalile;+ nitamkhandza khona, njengobe nje bekashito.’”+ 8 Ngako baphuma kulelithuna babaleka, bebachachatela futsi betfuke kakhulu. Abazange bayitsi vu, ngobe bebesaba.*+