Indlela Yekusebentisa Lobhukwana

Emakhasini lalandzelako, utawutfola umbhalo welusuku ngalunye kanye nendlela lokhulunyelwa ngayo. Nanobe umbhalo welusuku ungase ufundvwe nganome ngusiphi sikhatsi, kepha labanyenti bakutfola kulusito kakhulu kuwufundza ekuseni. Loko kwenta kutsi bakhone kucabangisisa ngemaphuzu awo lilanga lonkhe. Kucoca ngembhalo welusuku njengemndeni kusita kakhulu. Imindeni yaseBethel lesemhlabeni wonkhe iwufundza ngesikhatsi sekudla kwasekuseni.

Tigaba titsetfwe kubomagazini be-Sicongosekulindza (w) kusukela nga-April 2021 kuya kuMarch 2022. Tinombolo letilandzela lusuku lwe-Sicongosekulindza tisho likhasi nobe emakhasi kuloyo magazini lakutsetfwe khona lamaphuzu. (Buka lesitfombe lesingentansi.) Kwatiswa lokubanti ngayo yonkhe indzaba kutfolakala kuleso sihloko.