Litsini Libhayibheli?

Siphila “emalangeni ekugcina” yini?

Ungaphendvula utsini?

• Yebo

• Cha

• Mhlawumbe

Lokushiwo liBhayibheli

“Emalangeni ekugcina kutawuba netikhatsi letibucayi lokumatima kubhekana nato.” (2 Thimothi 3:1) Tiphrofetho teliBhayibheli kanye netintfo letenteka lamuhla, kukhombisa kutsi siphila “emalangeni ekugcina.”

Kukhona yini lokunye lokushiwo liBhayibheli ngalendzaba?

• Emalanga ekugcina abetawubonakala ngekutsi kube netimphi, indlala, kutamatama kwemhlaba kanye netifo letingumshayabhuce.​—Matewu 24:3, 7; Lukha 21:11.

• Emalangeni ekugcina bantfu bebatatiphatsa kabi futsi babe bete buhlobo lobuhle naNkulunkulu.​—2 Thimothi 3:2-5.

Litawuba njani likusasa lebantfu?

Labanye bantfu bakholelwa kutsi umhlaba kanye nebantfu kutawubhujiswa, kantsi labanye bakholelwa kutsi timo titawuba ncono. Wena ucabangani?

Lokushiwo liBhayibheli

“Labalungile bayawudla lifa lemhlaba, bahlale kulo kuze kube phakadze.”​—Tihlabelelo 37:29.

Kukhona yini lokunye liBhayibheli lelikushoko ngalendzaba?

• Emalanga ekugcina ayawuphela ngekutsi kususwe bonkhe bubi emhlabeni.​—1 Johane 2:17.

• Umhlaba utawentiwa lipharadisi.​—Isaya 35:1, 6.