Lawula Tifiso Takho

Njengobe sibantfu labanesono, kufanele sihlale setama kulawula tifiso tetfu. Nasitivumela kutsi tisilawule, sitawulahlekelwa ngumusa waJehova. Sibonelo nje, labanye batsandza kudla, timphahla, kanye netindlu tabo kwendlula Nkulunkulu. Labanye benetisa tifiso tabo telicansi ngendlela lephambene netimiso taNkulunkulu. (Rom 1:26, 27) Kantsi labanye bavumela kuyengwa bontsanga yabo ngenca yekutsi bafuna babatsandze futsi babemukele.—Eks 23:2.

Singatilawula kanjani tifiso tetfu? Kufanele sitimisele kwenta loko lokujabulisa Jehova. (Mat 4:4) Singaphindze sicele Jehova asisite sikhone kulawula tifiso tetfu. Kungani? Kungobe uyakwati loko lokusilungelako futsi uyayati nendlela langenetisa ngayo tifiso tetfu.—Hl 145:16.

BUKELANI I-VIDEO LETSI UNGAKUVUMELI KUBHEMA KULIMATE KUPHILA KWAKHO, BESE NIPHENDVULA LEMIBUTO LELANDZELAKO:

• 

  Yini leyenta labanye bantfu babheme?

• 

  Kubhema kungayilimata njani imphilo yakho?

• 

  Kungani kubhema lugwayi kanye nekubhema ngeliphayiphi kukubi?—2Kt 7:1

• 

  Ungakwala njani kubhema nobe uwuyekele lomkhuba?