Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
© 2023 Watch Tower Bible and Tract Society of Pennsylvania
MAY 1-7
UMCEBO LOSEVINI LANKULUNKULU | 2 TIKHRONIKE 17-19
“Buka Labanye Ngendlela Jehova Lababuka Ngayo”
Utawutinaka Yini Letintfo Letibhaliwe?
7 Sifundzani kuJehoshafati lobekayindvodzana ya-Asa? Bekanebuntfu lobuhle. Ngenca yekutsi beketsembele kuNkulunkulu, Jehoshafati wenta tintfo letinyenti letinhle. Nanobe kunjalo, naye watenta tincumo letingakahlakaniphi. Nasi sibonelo, wahlela kutsi kube nebuhlobo bemshado emkhatsini wemndeni wakhe nenkhosi lembi yasenyakatfo lengu-Ahabi. Jehoshafati wahamba na-Ahabi bayokulwa nelibutfo laseSiriya nanobe umphrofethi Mikhaya bekatsite akangayi. Kulemphi, Jehoshafati wasindza ngekulambisa. Ngemuva kwaloko, wabuyela eJerusalema. (2 Khr. 18:1-32) Nakefika eJerusalema, umphrofethi Jehu wambuta watsi: “Wena ukubona kulungile yini kutsi usite lababi nekutsi utsandze labo labatondza Simakadze?”—Fundza 2 Tikhronike 19:1-3.
Zindla Ngelutsandvo LwaJehova Lolungapheli
8 Jehova ufuna sati kutsi uyasitsandza nekutsi akabuki nje kuphela tono tetfu, kodvwa ubuka nalokuhle kitsi. (2 Tikhronike 16:9) Ase sibone indlela Jehova lakubona ngayo lokuhle eNkhosini Jehoshafati yakaJuda. Jehoshafati watsatsa sincumo lesibi ngekulekelela iNkhosi Ahabi yaka-Israyeli ngesikhatsi ilwa nemaSiriya eRamothi Gileyadi. Nanobe baphrofethi bemanga labangu-400 batjela Ahabi iNkhosi lembi kutsi utawuncoba, Mikhaya umphrofethi waJehova weliciniso, watjela Jehoshafati na-Ahabi kutsi nabatawuya kulemphi batawuncotjwa. Nguloko kanye lokwenteka. Ahabi wafa emphini futsi Jehoshafati wasindza ngekulambisa. Ngemuva kwalemphi, Jehova wasebentisa Jehu kute eluleke Jehoshafati ngeliphutsa lakhe. Nanobe kunjalo, Jehu waphindze wamtjela, watsi: “Kukhona lokuhle kuwe.”—2 Tikhronike 18:4, 5, 18-22, 33, 34; 19:1-3.
9 Ekucaleni kwekubusa kwakhe, Jehoshafati abetjele tindvuna, emaLevi kanye nebaphristi kutsi baye kuwo onkhe emadolobha akaJuda kute bafundzise bantfu ngeMtsetfo waJehova. Baphumelela kakhulu kangangekutsi bantfu baletinye tive bamati Jehova. (2 Tikhronike 17:3-10) Ngekuhamba kwesikhatsi Jehoshafati watsatsa sincumo lesibi, kodvwa Jehova akazange atikhohlwe tintfo letinhle labetentile. Lesibonelo sisidvudvuta kakhulu ngobe natsi siyawenta emaphutsa ngaletinye tikhatsi. Kodvwa nasenta konkhe lokusemandleni etfu kute sikhonte Jehova, utawuchubeka asitsandza futsi ngeke atikhohlwe tintfo letinhle lesitentile.
Kufunisisa Umcebo EVini LaNkulunkulu
Khonta Jehova Ngenhlitiyo Yakho Yonkhe!
10 Indvodzana ya-Asa lenguJehoshafati yahamba “etinyatselweni teyise Asa.” (2 Khr. 20:31, 32) Yakwenta kanjani loko? Njengababe wakhe, Jehoshafati wakhutsata bantfu kutsi bafune Jehova. Wahlela umkhankaso wekufundzisa bantfu “incwadzi yemtsetfo waSimakadze.” (2 Khr. 17:7-10) Waphindze waya nasenyakatfo yelive laka-Israyeli, esifundzeni setintsaba taka-Efrayimu kute ayokhutsata “bantfu kutsi babuyele kuSimakadze Nkulunkulu.” (2 Khr. 19:4) Jehoshafati abeyinkhosi leyafuna “Simakadze ngayo yonkhe inhlitiyo yakhe.”—2 Khr. 22:9
11 Natsi singaba nencenye kulomkhankhaso lomkhulu wekufundzisa bantfu sikanye naJehova. Utibekele yini umgomo wekutsi njalo ngenyanga ufundzise labanye liVi laNkulunkulu, ubente bafune kumkhonta? Ngekuhlela kahle timo takho kanye nangesibusiso saNkulunkulu, ungakhona kucala sifundvo seliBhayibheli. Ngulowo yini umgomo lowuthantazelako? Utimisele yini kukwenta loku, ngisho nome kudzingeka kutsi usebentise sikhatsi sakho sekutijabulisa? Njengoba Jehoshafati aya endzaweni yaka-Efrayimu kute ayokhutsata bantfu kutsi babuyele ekhulekeleni lokuhlantekile, natsi singaya kubantfu lesebapholile kute sibakhutsate kutsi babuyele ekukhulekeni kweliciniso. Ngetulu kwaloko, emadvodza lamadzala elibandla angahlela kuvakashela bantfu labasensimini yabo labayekelisiwe kuba boFakazi, lokungenteka sebayiyekele imikhuba yabo yesono.
MAY 8-14
UMCEBO LOSEVINI LANKULUNKULU | 2 TIKHRONIKE 20-21
“Tsembelani KuJehova Nkulunkulu Wenu”
Indlela Yekubhekana Nekuphela Kwalelive Lelibi Ngekubambisana
8 Emalangeni eNkhosi Jehoshafati, bantfu baNkulunkulu bebabukene nesitsa lesetfusako, ‘lobekuyimphi lenkhulu’ lebeyakhiwa bantfu labebasetindzaweni letibomakhelwane. (2 Khr. 20:1, 2) Kuyajabulisa kutsi tinceku taNkulunkulu atizange tetame kuncoba lesitsa ngemandla ato. Kodvwa tetsembela kuJehova. (Fundza 2 Tikhronike 20:3, 4) Loko atizange tikwente ngekwehlukana, kwaba nguloyo naloyo wenta ngendlela labeyibona incono. LiBhayibheli litsi: “Onkhe emadvodza akaJuda kanye nabomkawo, nebantfwana, netinswane bema embikwaSimakadze.” (2 Khr. 20:13) Ngisho nobe bebabancane nobe babadzala, bonkhe babambisana ekulaleleni sicondziso saJehova futsi Jehova wabavikela etitseni tabo. (2 Khr. 20:20-27) Lesi sibonelo lesihle kakhulu sendlela yekubeketelela tinsayeya njengobe sibantfu baNkulunkulu.
Nine Lenisandza Kushada—Yentani Kukhonta Jehova Kute Kucala Ekuphileni Kwenu
7 Jehova wasebentisa umLevi lokutsiwa nguJahaziyeli kutsi ayokhuluma naJehoshafati. Jehova watsi: “Nibotihlela, nime ngetindzawo tenu bese niyabona kutsi Jehova utanisindzisa njani.” (2 Khr. 20:13-17) Lena akusiyo indlela leyetayelekile yekulwa imphi! Kodvwa leticondziso betingaveli kumuntfu; betivela kuJehova. Ngenca yekutsi Jehoshafati beketsembele ngalokuphelele kuNkulunkulu, wenta njengobe bekatjeliwe. Ngesikhatsi yena nebantfu bakhe bayohlangana nalesitsa, akazange awabeke ngembili emasotja akhe langemachawe kodvwa wabeka bahlabeleli lebebangakahlomi. Jehova akazange amdvumate Jehoshafati; wasincoba lesitsa.—2 Khr. 20:18-23.
Kufunisisa Umcebo EVini LaNkulunkulu
it-1-E 1271 ¶1-2
Jehoramu
Lokunye lokwenta Jehoramu wangalandzeli tindlela tababe wakhe letilungile Jehoshafati, ngumtselela lomubi lawutfola kumfati wakhe Athaliya. (2Ks 8:18) Jehoramu akagcinanga nje ngekubulala bomnakabo labasitfupha kanye netindvuna takaJuda, kodvwa wabangela lesive kutsi sikhweshe kuJehova ngekutsi sikhonte bonkulunkulu bemanga. (2Tk 21:1-6, 11-14) Kubusa kwakhe bekunetinkinga lebetivela ngetindlela letehlukahlukene. Kwacale kwavukela sive saka-Edomu; kwase kulandzela iLibna leyavukela sive sakaJuda. (2Ks 8:20-22) Umphrofethi Elija wecwayisa Jehoramu encwadzini lambhalela yona, watsi: “Ngako-ke Jehova utawubaletsela sishayo bantfu bakho, aletsele nemadvodzana akho kanye nebafati bakho futsi utawulahlekelwa ngiko konkhe lonako.” Ngetulu kwaloko, wena Nkhosi Jehoramu, “utawuhlaselwa kugula lokwehlukahlukene lokufaka ekhatsi sifo sematfumbu kuze kube ngulapho ematfumbu akho aphumela ngephandle onkhe emalanga, ngenca yalesifo.”—2Tk 21:12-15.
Konkhe kwenteka njengobe nje Jehova abeshito. Jehova wavumela ema-Arabu nemaFilisti kutsi ahlasele live lakaJuda futsi atsatsa bafati baJehoramu kanye nemadvodzana akhe. Nkulunkulu wavumela indvodzana yaJehoramu lencane, Jehoyahazi (lophindze abitwe ngekutsi ngu-Ahaziya) kutsi isindze, ngenca yesivumelwane seMbuso lasenta naDavide. “Kwatsi nasekwenteke konkhe loku, Jehova wamshaya [Jehoramu] ngesifo sematfumbu lesingelapheki.” Nasekwendlule iminyaka lemibili “ematfumbu akhe aphumela ngephandle” futsi wafa. Kwaphela kanjalo-ke kuphila kwalendvodza lembi futsi “kute ngisho namunye umuntfu loweva buhlungu” nayifa. Yangcwatjwa eDolobheni laDavide ‘kodvwa abazange bayingcwabe endzaweni yekungcwaba emakhosi.’ Indvodzana yakhe Ahaziya yabese iba yinkhosi esikhundleni sakhe.—2Tk 21:7, 16-20; 22:1; 1Tk 3:10, 11.
MAY 15-21
UMCEBO LOSEVINI LANKULUNKULU | 2 TIKHRONIKE 22-24
“Jehova Uyatibusisa Tento Letikhombisa Sibindzi”
w09-ZU 4/1 24 ¶1-2
UJehowashi Washiya UJehova Ngenxa Yabangane Ababi
KWAKUYISIKHATHI esibi eJerusalema, umuzi okwakwakhiwe kuwo ithempeli likaNkulunkulu. INkosi u-Ahaziya yayisanda kubulawa. Kunzima ukuchaza lokho unina ka-Ahaziya, u-Athaliya, akwenza ngemva kwalokho. Wabulala amadodana ka-Ahaziya—abazukulu bakhe uqobo! Uyazi ukuthi kungani?—Ukuze kubuse yena esikhundleni somunye wabo.
Nokho, omunye wabazukulu baka-Athaliya, uJehowashi osemncane, wasinda, futhi ugogo wakhe wayengazi lutho ngalokho. Ungathanda ukwazi ukuthi wasinda kanjani?—Lo mntwana wayenobabekazi okuthiwa uJehoshabeyati, owafihla uJehowashi ethempelini likaNkulunkulu. Lokhu wayengakwenza ngoba umyeni wakhe kwakunguJehoyada, umPristi Omkhulu. Ngakho, bobabili baqiniseka ukuthi uJehowashi uphephile.
w09-ZU 4/1 24 ¶3-5
UJehowashi Washiya UJehova Ngenxa Yabangane Ababi
UJehowashi wafihlwa ethempelini iminyaka eyisithupha. Lapho, wafundiswa konke ngoJehova uNkulunkulu nemithetho yakhe. Ekugcineni, lapho uJehowashi eseneminyaka engu-7 ubudala, uJehoyada wathatha isinyathelo sokuba amgcobe njengenkosi. Ungathanda ukwazi ukuthi uJehoyada wakwenza kanjani lokhu nokuthi kwenzekani ngogogo kaJehowashi, iNdlovukazi u-Athaliya?—
UJehoyada wahlanganisa ngasese onogada abakhethekile ababenakekela amakhosi eJerusalema ngaleso sikhathi. Wabatshela indlela yena nomkakhe ababesindise ngayo indodana yeNkosi u-Ahaziya. UJehoyada wabe esethula uJehowashi kulab’ onogada, abaqaphela ukuthi wayengumbusi ofanele. Kwabe sekwenziwa icebo.
UJehoyada wakhiphela uJehowashi ngaphandle wamgcoba njengenkosi. Ngenxa yalokho, abantu “bashaya ihlombe bathi: ‘Mayiphile inkosi!’” Onogada bangunga uJehowashi ukuze bamvikele. Lapho u-Athaliya ezwa kuchwaza ngaphandle, waphuma eyokhuza. Kodwa ngomyalo kaJehoyada, onogada bambulala u-Athaliya.—2 AmaKhosi 11:1-16.
it-1-E 379 ¶5
Umngcwabo, Tindzawo Tekungcwaba
Umphristi Lophakeme nalolungile Jehoyada watfola lilungelo lekungcwatjwa “eDolobheni laDavide lapho kwangcwatjwa khona emakhosi,” futsi nguye kuphela umuntfu longaveli eluhlwini lwemakhosi lowatfola lelilungelo lekungcwatjwa ngalendlela.—2Tk 24:15, 16.
Kufunisisa Umcebo EVini LaNkulunkulu
it-2-E 1223 ¶13
Zakhariya
12. Indvodzana yeMphristi Lophakeme Jehoyada. Ngemuva kwekufa kwaJehoyada, iNkhosi Jehowashi yakhwesha ekukhonteni kweliciniso, yalalela teluleko letimbi kunekulalela baphrofethi baJehova. Zakhariya, longumzala waJehowashi (2Tk 22:11), wabecwayisa labantfu ngaletento tabo, kodvwa kunekutsi baphendvuke, bamgcoba ngematje emabaleni elithempeli. Emavi Zakhariya lawasho nasekatokufa bewatsi: “Shengatsi Jehova angakubona loku futsi akwente ulandzise ngako.” Lesicelo lesisiphrofetho sagcwaliseka, ngoba emaSiriya ahlasela live lakaJuda futsi naJehowashi wabulawa tinceku takhe letimbili “ngobe bekacitse ingati yemadvodzana aJehoyada umphristi.” I-Septuagint yesiGriki ne-Latin Vulgate itsi Jehowashi wabulawa kuze kuphindziselwe ingati ‘yendvodzana’ yaJehoyada. Nobe kunjalo, imibhalo yema-Masorethi kanye neliBhayibheli i-Syriac Peshitta, itsi “emadvodzana” esikhundleni “sendvodzana,” lokungenteka isebentise leligama kuze iveta kubaluleka kwendvodzana yaJehoyada, Zakhariya longumphrofethi aphindze abe ngumphristi.—2Tk 24:17-22, 25.
MAY 22-28
UMCEBO LOSEVINI LANKULUNKULU | 2 TIKHRONIKE 25-27
“Jehova Angakhona Kukunika Lokungetulu Kwaloko”
it-1-E 1266 ¶6
Jehowashi
Jehowashi wacasha emasotja langemachawe langu-100 000 enkhosini yakaJuda kuze ayokulwa nesive saka-Edomu. Nobe kunjalo, “inceku yaNkulunkulu weliciniso” yatsi kuJehowashi angahambi nalamasotja nanobe besekavele awabhadale ngemathalenta elisiliva langu-100 ($660,600), ngako lamasotja abuyela eveni lawo atfukutsele kakhulu, lokungenteka bekungenca yekutsi bewangeke asatitfola letintfo lebekatatitfola nawancoba lemphi. Nawabuya ka-Israyeli, lamasotja ahlasela emadoloba akaJuda, kusukela eSamariya (mhlawumbe labebamise khona emathende) kuze kuyofika eBhethi-horoni.—2Tk 25:6-10, 13.
‘Ungabunambitsa’ Njani Buhle BaJehova?
16 Dzela tintfo letitsite ngenca yaJehova. Kute sidzingo sekutsi sidzele tonkhe tintfo lesinato kuze sijabulise Jehova. (Shu. 5:19, 20) Nobe kunjalo, kube besingayekela kwenta lokunyenti emsebentini waJehova, ngenca nje yekutsi asifuni kudzela letinye tintfo lesititsandzako, besitawufana nalendvodza lesemfanekisweni waJesu, leyasebenta kamatima kuze ibe netintfo letinhle letinyenti kodvwa yangamnaki Nkulunkulu. (Fundza Lukha 12:16-21.) Lomunye umzalwane lohlala eFrance lokutsiwa nguChristian, utsi: “Besengite kahle sikhatsi sekukhonta Jehova kanye nesemndeni wami.” Yena nemkakhe bancuma kuba ngemahlahlandlela. Kodvwa kuze bafinyelele lomgomo, kwadzingeka bayekele umsebenti lebebawenta. Kuze batinakekele, bacala ibhizinisi lencane yekuklina futsi bafundza kwenetiswa ngulokuncane labanako. Bajabula yini ngekutsi badzela letinye tintfo kuze babe ngemahlahlandlela? Christian utsi: “Nyalo siwujabulela kakhulu umsebenti wekushumayela futsi kuyasijabulisa kubona bantfu lesidadisha nabo liBhayibheli nalesibuyela kubo bafundza ngaJehova.”
Kufunisisa Umcebo EVini LaNkulunkulu
w07-ZU 12/15 10 ¶1-2
Ingabe Unomeluleki Ongokomoya?
LAPHO esemncane eneminyaka engu-16 ubudala, u-Uziya waba inkosi yombuso wakwaJuda oseningizimu. Wabusa iminyaka engaphezu kwengu-50, kusukela ngasekupheleni kwekhulu lesi-9 kuya ekuqaleni kwelesi-8 B.C.E. Kusukela esemncane, u-Uziya “waqhubeka enza okuhle emehlweni kaJehova.” Yini eyamthonya ukuba alandele inkambo eqotho? Umlando uthi: “[U-Uziya] waqhubeka ethambekele ekufuneni uNkulunkulu ezinsukwini zikaZakariya, umfundisi wokwesaba uNkulunkulu weqiniso; futhi, ezinsukwini zokufuna kwakhe uJehova, uNkulunkulu weqiniso wamenza wachuma.”—2 IziKronike 26:1, 4, 5.
Akukuningi okwaziwayo ngoZakariya, umeluleki wenkosi, ngaphandle nje komlando wakhe eBhayibhelini. Kodwa, ‘njengomfundisi wokwesaba uNkulunkulu weqiniso,’ uZakariya waba nethonya elihle kulo mbusi osemusha ekwenzeni okulungile. I-Expositor’s Bible iphawula ukuthi kusobala ukuthi uZakariya “wayeyindoda enolwazi lwezinto ezingcwele, enolwazi oluningi lwezinto ezingokomoya, nekhono lokudlulisela ulwazi lwakhe.” Isazi esithile seBhayibheli saphetha kanje lapho sikhuluma ngoZakariya: “Wayezazi kahle iziprofetho futhi . . . wayeyindoda ehlakaniphile, ezinikele, elungile; futhi, kubonakala sengathi wayenethonya elikhulu ku-Uziya.”
MAY 29–JUNE 4
UMCEBO LOSEVINI LANKULUNKULU | 2 TIKHRONIKE 28-29
“Ungakhona Kukhonta Jehova Ngisho Nobe Ukhule Kamatima”
Lingisa Bangani Labakhulu BaJehova
8 Lokwenteka kuHezekiya kwehluke kakhulu kuloko lokwenteka kuRuthe. Abewasesiveni lesitinikele kuNkulunkulu. Kodvwa akusiwo onkhe ema-Israyeli lachubeka etsembekile. INkhosi Ahazi lebeyinguyise waHezekiya, beyenta tintfo letimbi. Ayizange ilihloniphe lithempeli laNkulunkulu futsi yakhutsata bantfu kutsi bakhonte labanye bonkulunkulu. Ahazi wadzimate washisa labanye banakabo Hezekiya, wenta ngabo umnikelo kubonkulunkulu bemanga. Hezekiya wakhula kamatima.—2 Emakhosi 16:2-4, 10-17; 2 Tikhronike 28:1-3.
Lingisa Bangani Labakhulu BaJehova
9 Sibonelo lesibi sa-Ahazi besingenta kutsi indvodzana yakhe Hezekiya itfukutselele Jehova. Lamuhla, labanye bantfu lababhekene netimo letincono kunetaHezekiya bacabanga kutsi banetizatfu letivakalako ‘tekutfukutselela Jehova’ nobe inhlangano yakhe. (Taga 19:3, NW.) Labanye bacabanga kutsi indlela lebuhlungu labakhule ngayo ingase ibabangele kutsi babe nelikusasa lelibi nobe bente emaphutsa lentiwa batali babo. (Hezekeli 18:2, 3) Kodvwa kuliciniso yini loku?
10 Loko lokwenteka ekuphileni kwaHezekiya kufakazela kutsi imphendvulo yalombuto ingucha! Asikho sizatfu lesivakalako sekutfukutselela Jehova. Akabangeli kutsi tintfo letimbi tenteke kubantfu. (Jobe 34:10) Kuliciniso kutsi batali bangabafundzisa bantfwana babo kutsi bente tintfo letinhle nobe letimbi. (Taga 22:6; Kholose 3:21) Kodvwa loko akusho kutsi indlela lesikhule ngayo ngiyo letawuncuma kutsi sitawuba bantfu labanjani. Kungani kunjalo? Kungobe Jehova usinikete inkhululeko yekutikhetsela, lokusho kutsi singakhetsa kwenta lokulungile nobe lokungakalungi. (Dutheronomi 30:19) Hezekiya wasisebentisa njani lesipho lesiligugu?
11 Ngisho nobe uyise abengulenye yemakhosi labekenta tintfo letimbi kaJuda, kodvwa Hezekiya waba yinkhosi lekahle kakhulu. (Fundza 2 Emakhosi 18:5, 6.) Akazange alandzele sibonelo lesibi seyise. Esikhundleni saloko, wakhetsa kulalela baphrofethi baJehova labafaka ekhatsi Isaya, Mikha naHoseya. Walalelisisa tiyalo neticondziso tabo. Loko kwamenta walungisa tinkinga letinyenti lebetibangelwe nguyise. Wahlanta lithempeli, wacela Nkulunkulu kutsi acolele bantfu tono tabo futsi wabhidlita tithico kuyo yonkhe indzawo. (2 Tikhronike 29:1-11, 18-24; 31:1) Kamuva, ngesikhatsi inkhosi yase-Asiriya Senaheribi isongela kuhlasela liJerusalema, Hezekiya wakhombisa kuba nesibindzi lesikhulu nekukholwa. Wetsembela esivikelweni saJehova futsi wacinisa bantfu bakhe. (2 Tikhronike 32:7, 8) Ngalesinye sikhatsi, Hezekiya watikhukhumeta kodvwa ngesikhatsi Jehova amekhuta, watitfoba. (2 Tikhronike 32:24-26) Kuyacaca-ke kutsi Hezekiya usibonelo lesihle kakhulu sekulingiswa. Akazange avumele indlela lakhula ngayo kutsi yone kuphila kwakhe. Esikhundleni saloko, wakhombisa kutsi ungumngani waJehova.
Kufunisisa Umcebo EVini LaNkulunkulu
Nathani—Ummeleli Locotfo Wekukhonta Lokuhlantekile
Njengobe Nathani bekasikhonti saJehova lesetsembekile, walisekela ngekutimisela lisu laDavide lekwakha lithempeli lekucala lekukhonta kweliciniso emhlabeni. Nanobe kunjalo, ngaleso sikhatsi Nathani bekaveta imibono yakhe ngalendzaba, hhayi yaJehova. Ngalobo busuku, Nkulunkulu wayala lomphrofethi wakhe kutsi amikise umlayeto lowehlukile enkhosini, wekutsi: Davide bekangeke alakhe lithempeli laJehova. Umuntfu lobekatalakha bekutawuba ngulenye yemadvodzana aDavide. Nanobe kunjalo, Nathani wamemetela kutsi Nkulunkulu bekenta sivumelwane naDavide sekutsi sihlalo sakhe sebukhosi ‘besitawuhlala sisimile phakadze naphakadze.’—2 Sam. 7:4-16.
Endzabeni yekwakhiwa kwelithempeli, intsandvo yaNkulunkulu beyishayisana nembono waNathani. Kodvwa kunekutsi lomphrofethi lotfobekile akhonone, wasekela injongo yaJehova futsi wenta ngekuvumelana nayo. Lesi sibonelo lesihle kakhulu lokufanele sisilingise nangabe Nkulunkulu asiyala endzabeni letsite. Kuchubeka kwaNathani akhonta njengemphrofethi kuveta kutsi akazange alahlekelwe ngumusa waNkulunkulu. Kunaloko, Jehova waphefumulela Nathani kanye naGadi umboniswa kutsi bacondzise Davide nakahlela bantfu labangu-4 000 labebatawuhlabela ethempelini.—1 Khr. 23:1-5; 2 Khr. 29:25.
JUNE 5-11
UMCEBO LOSEVINI LANKULUNKULU | 2 TIKHRONIKE 30-31
“Kuhlangana Ndzawonye Kuyasizuzisa”
it-1-E 1103 ¶2
Hezekiya
Inshiseko Yakhe Yekukhonta Kweliciniso. Hezekiya wakhombisa inshiseko yakhe yekukhonta Jehova ngekushesha nje nakaba yinkhosi futsi bekaneminyaka lengu-25 budzala. Wacala ngekuvula lithempeli futsi walilungisa. Wase ubita baphristi nemaLevi, watsi kubo: “Ngako kusifiso senhlitiyo yami kwenta sivumelwane naJehova Nkulunkulu wema-Israyeli.” Lesi bekusivumelwane sekwetsembeka, nanobe sivumelwane semtsetfo besisasebenta, kodvwa besesingasanakwa, futsi saphindze sabekwa kabusha kaJuda. Wachubeka wahlela emaLevi ngemisebenti yawo, waphindze wahlela kutsi kube netinsimbi temculo futsi kuhlatjelwe netingoma tekudvumisa. BesekunguNisani, inyanga yekugubha liPhasika, kodvwa lithempeli belingakahlanteki kuhlanganise nebaphristi kanye nemaLevi. Ngelilanga lesi-16 kuNisani, lithempeli beselihlantekile futsi netitja talo besetibuyiselwe kulo. Besekufanele kube nelilanga lelikhetsekile lekubuyisana kwema-Israyeli naNkulunkulu. Kwekucala, tindvuna taletsa imihlatjelo, iminikelo yesono yalesive, iminikelo yendzawo lengcwele kanye neyebantfu, kwase kulandzela tinkhulungwane teminikelo yekushiswa lebeyiletfwa bantfu.—2Tk 29:1-36.
it-1-E 1103 ¶3
Hezekiya
Nanobe kungahlanteki kwebantfu bekubavimba kutsi bangagubhi liPhasika ngesikhatsi lesifanele, kodvwa Hezekiya wawusebentisa lomtsetfo lobewuvumela labo labangakahlanteki kutsi bagubhe liPhasika ngemva kwenyanga yinye ligujiwe. Akabitanga emaJuda kuphela kodvwa wabita nema-Israyeli asebentisa tincwadzi lebetitfunyelwa tingijimi kulo lonkhe live kusukela eBherisheba kuya kaDani. Bantfu labanyenti bebahlekisa ngato letingijimi; kodvwa labanye bantfu baka-Asheri, bakaManase nakaZebuloni, batitfoba futsi beta eJerusalema, futsi kwaphindze kweta nalabanye baka-Efrayimu nebaka-Isakhari. Ngetulu kwaloko, nebantfu labanyenti labebangesiwo ema-Israyeli labebakhonta Jehova nabo beta. Kungenteka kwaba matima kulabo lebebamelela kukhonta kweliciniso ka-Israyeli kutsi bete. Nabo, njengaletingijimi, bebatawubhekana nekuphikiswa futsi kuhlekiswe ngabo, ngobe lombuso wetive letilishumi besewungene shi ekukhonteni kwemanga, futsi bebahlushwa ngumbuso wema-Asiriya.—2Tk 30:1-20; Num 9:10-13.
it-1-E 1103 ¶4-5
Hezekiya
Ngemuva kweliPhasika, kwabese kugujwa umkhosi weSinkhwa Lesite Imvubelo emalanga langu-7, kwajatjulwa kakhulu kangangekutsi bonkhe labantfu babese bancuma kuchubeka nekugubha lomkhosi lamanye emalanga langu-7. Ngisho nobe bekutikhatsi letimatima, kodvwa sabonakala sibusiso saJehova kangangekutsi “kwaba nenjabulo lenkhulu eJerusalema ngobe kusukela ngetikhatsi taSolomoni indvodzana yaDavide inkhosi yaka-Israyeli, ayizange seyenteke intfo lenjengalena eJerusalema.”—2Tk 30:21-27.
Loku bekukubuyiselwa kwekukhonta kweliciniso futsi bekungasiyo intfo yesikhashana, njengobe sitawubona kuloko lokwabese kuyenteka. Ngaphambi kwekutsi babuyele emakhaya, onkhe ema-Israyeli lebekalapho aphuma aphihlita ematje langcwele, awisa tindzawo letiphakeme nema-al’thare, futsi abhidlita netinsika letingcwele, kulo lonkhe lakaJuda nelakaBhenjamini, lokufaka ekhatsi ka-Efrayimu kanye nakaManase. (2Tk 31:1) Hezekiya wababekela sibonelo kuloku ngekutsi asile inyoka yelitfusi lebeyentiwe nguMosi, ngobe labantfu besebayente sithico futsi bayentela imihlatjelo yekushiswa. (2Ks 18:4) Ngemuva kwalomkhosi Hezekiya wacikelela kutsi kukhonta kweliciniso kuyachubeka, ngekutsi abeke baphristi ngemacembu abo kanye nekwenta lilungiselelo lekusekela imisebenti yasethempelini. Waphindze wayala nebantfu kutsi balalele uMtsetfo wekuletsa kwelishumi kanye nesivuno sekucala kuze kusekelwe baphristi nemaLevi, futsi labantfu bakulalela loko.—2Tk 31:2-12.
Kufunisisa Umcebo EVini LaNkulunkulu
“Niyajabula Nanitati Letintfo Futsi Nitenta”
14 Lenye indlela lesingakhombisa ngayo kutsi sitfobekile kutsi sibalalele labanye. Jakobe 1:19 utsi: ‘Kufanele usheshe kulalela.’ Jehova usibonelo lesihle kakhulu kuloku. (Gen. 18:32; Josh. 10:14) Cabanga ngencociswano leku-Eksodusi 32:11-14 (Fundza.) Jehova wavumela Mosi kutsi asho indlela lativa ngayo ngisho noma bekangawudzingi umbono wakhe. Ungamlalela yini umuntfu lovame kwenta emaphutsa futsi ukusebentise loko lakushoko? Jehova ulalela bonkhe bantfu labathantaza kuye banekukholwa.
15 Tibute: ‘Nangabe Jehova atfobekile futsi abalalela bantfu lokufaka ekhatsi Abrahama, Rakheli, Mosi, Joshuwa, Manowa, Elija naHezekeli, akukafaneli yini kutsi nami ngiyilalele imibono yalabanye? Ngingabahlonipha yini bazalwane bami ngekutsi ngilalele imibono yabo futsi ngiyisebentise nangabe ngingakhona? Yini lengitayenta nangabe kunalotsite ebandleni noma emndenini wami lodzinga kutsi ngimlalele?’—Gen. 30:6; Khu. 13:9; 1 Khos. 17:22; 2 Khr. 30:20.
JUNE 12-18
UMCEBO LOSEVINI LANKULUNKULU | 2 TIKHRONIKE 32-33
“Cinisa Bazalwane Bakho Ngetikhatsi Letimatima”
it-1-E 204 ¶5
Asiriya
Senaheribi. Senaheribi, indvodzana yaSagoni II, wahlasela uMbuso wakaJuda ngemnyaka wesi-14 wekubusa kwaHezekiya (nga-732 B.C.E.). (2Ks 18:13; Isa 36:1) Hezekiya wavukela ema-Asiriya ngenca yekutsi ema-Asiriya bekabetfwese lijoka lelabangwa yimiphumela yetento tababe wakhe Ahazi. (2Ks 18:7) Senaheribi wabese uhlasela emadolobha akaJuda langu-46, futsi wawancoba (catsanisa na-Isa 36:1, 2), futsi ngemva kwaloko, nakasenkambu yakhe eLakhishi, wafuna inhlawulo kuHezekiya yemathalenta langu-30 eligolide (c. $11,560,000) kanye nemathalenta langu-300 elisiliva (c. $1,982,000). (2Ks 18:14-16; 2Tk 32:1; catsanisa Isa 8:5-8.) Nanobe loko kwabhadalwa, kodvwa Senaheribi watfumela labo labammelele kutsi batjele bantfu baseJerusalema batinikele kuye. (2Ks 18:17–19:34; 2Tk 32:2-20) Ngenca yekutsi ingelosi yaJehova yabulala libutfo layo lelingu-185 000 ngebusuku bunye, loko kwaphocelela lenkhosi letikhukhumetako yase-Asiriya kutsi ihambe ibuyele eNineve. (2Ks 19:35, 36) Ngekuhamba kwesikhatsi eNineve yabese ibulawa ngemadvodzana ayo lamabili, futsi indvodzana yayo Esahadoni yabese iba yinkhosi eskhundleni sayo. (2Ks 19:37; 2Tk 32:21, 22; Isa 37:36-38) Tonkhe letentakalo leti, ngaphandle kwalesi sekubhujiswa kwelibutfo lema-Asiriya, tibhaliwe emlandvweni waSenaheribi kanye newa-Esahadoni.—TITFOMBE, Vol. 1, p. 957.
Baholi Betfu Labanemandla Kakhulu—Loko Labakumelelako Lamuhla
12 Jehova uhlale anesifiso sekusentela loko lesingeke sikhone kutentela kona kodvwa ulindzele kutsi natsi sente lokusemandleni etfu. “Hezekiya wase uhlolisana netindvuna takhe kanye nebaholi bemabutfo kutsi bavale lemitfombo yemanti lephuma ngaphandle kwelidolobha, bavele bamsita kuloko . . . Hezekiya wasebenta kamatima aphishanekile avusetela tonkhe tindzawo telubondza letase tibhidlikile, akha nemibhoshongo kulo. Waphindze wakha lolunye lubondza ngaphandle kwalolo, . . . Wabuye wenta incumbi yetikhali tekulwa kanye nemahawu.” (2 Khr. 32:3-5) Kute avikele aphindze eluse bantfu bakhe ngaleso sikhatsi, Jehova wasebentisa emadvodza latingwazi—Hezekiya, netindvuna takhe kanye nebaphrofethi labetsembekile.
Baholi Betfu Labanemandla Kakhulu—Loko Labakumelelako Lamuhla
13 Lokwalandzela Hezekiya lakwenta lebekubalulekile, kuvikela lemitfombo yemanti kanye nekucinisa tibondza talelidolobha. Njengobe abengumelusi lokahle, Hezekiya wahlanganisa labantfu wabakhutsata ngemavi latsi: “Ningesabi, futsi ningapheli emandla ngenca yalenkhosi yase-Asiriya . . . , ngobe kitsi kunemandla lamakhulu kunalawa lenawo yona. Kuye kunemkhono wenyama, kodvwa kitsi kunaSimakadze Nkulunkulu wetfu lotasisita atilwe letimphi tetfu.” Lesi bekusikhumbuto lesacinisa kukholwa kwabo, kwati kutsi Jehova utabalwela bantfu bakhe. Nakeva loko emaJuda, ‘ema sibindzi ngaloko Hezekiya, inkhosi yakaJuda, lakusho kuwo.’ Loko kwawasita kutsi abe nekukholwa kuNkulunkulu futsi abe nesibindzi. Hezekiya netikhulu kanye nebaholi bemabutfo kuhlanganise nemphrofethi Mikha na-Isaya, bakhombisa kutsi babelusi labakahle, njengobe Jehova abeshito ngemphrofethi wakhe.—2 Khr. 32:7, 8; fundza Mikha 5:5, 6.
Kufunisisa Umcebo EVini LaNkulunkulu
Kusho Kutsini Kuphendvuka Mbamba?
11 Ngekuhamba kwesikhatsi, Jehova wayiphendvula imithantazo yaManase. Wabona kutsi besekashintje mbamba njengobe loko kwavela emithantazweni yakhe. Ngako Jehova wamlalela Manase ngesikhatsi acela kutsi amcolele, futsi wamvumela kutsi aphindze abe yinkhosi. Manase wenta konkhe lokusemandleni akhe kuze akhombise kutsi bekaphendvuke mbamba. Wenta loko Ahabi langazange sekakwente. Wayishintja indlela lebekenta ngayo tintfo. Wamelana nekukhonta kwemanga futsi wakhutsata bantfu kutsi bakhonte Jehova. (Fundza 2 Tikhronike 33:15, 16.) Bekudzingeka kutsi Manase abe nesibindzi futsi abe nekukholwa kuze ente loko, ngobe ngaphambi kwekutsi aphendvuke besekuphele iminyaka leminyenti asibonelo lesibi emndenini wakhe, etindvuneni takhe nasesiveni sakhe. Kodvwa ngesikhatsi sekakhulile, wetama kulungisa letinye taletinkinga lebekatibangele. Kungenteka waba sibonelo lesihle kumtukulu wakhe Josaya lowaba yinkhosi lekahle kakhulu.—2 Khos. 22:1, 2.
12 Yini lesingayifundza kuManase? Watitfoba futsi wenta nalokungetulu kwaloko. Wathantaza, ancenga kukhonjiswa umusa. Washintja nendlela bekenta ngayo tintfo. Wenta konkhe lokusemandleni akhe kuze alungise letinkinga bekatibangele futsi wenta konkhe langakwenta kuze akhonte Jehova aphindze asite nalabanye kutsi bente lokufanako. Sibonelo saManase sibanika litsemba labo labente tono letinkhulu kakhulu. Sibona bufakazi bekutsi Jehova Nkulunkulu ‘muhle futsi uhlale akulungele kutsetselela.’ (Hla. 86:5) Labo labaphendvuka mbamba bangatsetselelwa.
JUNE 19-25
UMCEBO LOSEVINI LANKULUNKULU | 2 TIKHRONIKE 34-36
“Uzuza Ngalokugcwele Yini EVini LaNkulunkulu?”
it-1-E 1157 ¶4
Hulda
Ngesikhatsi Josaya eva kufundvwa “incwadzi yemtsetfo” leyatfolwa ngu Hilkiya umphristi lophakeme ngesikhatsi kulungiswa lithempeli, wakhipha umyalo wekutsi bayombutela kuJehova. Baya kuHulda, lowabese ubatjela livi laJehova, lebeliveta kutsi yonkhe lenhlekelele lebhalwe ‘kulencwadzi’ itawehlela lesive lesesihlubukile ngenca yekungalaleli kwaso. Hulda wabese utsi, ngenca yekutsi Josaya utitfobile embikwaJehova, ngeke ayibone lenhlekelele kodvwa utawuyiswa kubokhokho bakhe futsi angcwatjwe ethuneni lakhe ngekuthula.—2Ks 22:8-20; 2Tk 34:14-28.
w09-ZU 6/15 10 ¶20
Shisekela Indlu KaJehova!
20 Ngesikhathi kwenziwa umsebenzi wokulungisa ithempeli owahlelwa iNkosi uJosiya, uMpristi Ophakeme uHilikiya “wathola incwadi yomthetho kaJehova owanikezwa ngesandla sikaMose.” Wayinika uShafani unobhala wasebukhosini, yena owabe eseqala ukuyifundela uJosiya. (Funda eyesi-2 IziKronike 34:14-18.) Waba yini umphumela? Inkosi yadabuka yabe isidabula izingubo zayo masinyane futhi yayala amadoda athile ukuba ayobuza kuJehova. Esebenzisa umprofethikazi uHulida, uNkulunkulu wadlulisela isigijimi esasilahla eminye yemikhuba yenkolo eyase yenziwa kwaJuda. Kodwa uJehova wayeyiqaphele imizamo emihle kaJosiya yokuqeda ukukhulekela izithombe, futhi wahlala emthanda naphezu kwezinhlekelele ayezibikezele ngesizwe sisonke. (2 IziKr. 34:19-28) Yini esingayifunda kulokhu? Ngokuqinisekile sinesifiso esifana nesikaJosiya. Sifuna ukusabela ngokushesha esiqondisweni sikaJehova, sicabangisise ngesibonelo esiyisixwayiso salokho okungenzeka uma sivumela ukuhlubuka nokungathembeki ukuba kungene ngesinyenyela ekukhulekeleni kwethu. Singaqiniseka ngokuthi uJehova uyokubona futhi akwamukele ukushisekela kwethu ukukhulekela kweqiniso, njengoba nje enza kuJosiya.
Kufunisisa Umcebo EVini LaNkulunkulu
Utawutinaka Yini Letintfo Letibhaliwe?
15 Ngusiphi secwayiso lesisitfolako kuloko lokwenteka eNkhosini lenhle lenguJosaya? Khumbula loko lokwaholela ekuhlulweni kwakhe kanye nasekufeni kwakhe. (Fundza 2 Tikhronike 35:20-22.) Josaya “washuca wayakuhlangana” neNkhosi yaseGibhithe lenguNekho emphini, ngisho nobe lenkhosi beyimtjelile Josaya kutsi kute labakubangako. LiBhayibheli lisitjela kutsi loko Nekho lakusho bekuvela ‘kuNkulunkulu.’ Yini-ke leyenta Josaya wafuna kuyokulwa naye? LiBhayibheli alisitjeli.
16 Bekangati ngani-ke Josaya kutsi loko lokwakushiwo nguNekho bekuvela kuJehova? Kafisha-nje, bekufanele abute umphrofethi lowetsembekile longuJeremiya. (2 Khr. 35:23, 25) Kodvwa kute lasifundza khona ngekutsi wakwenta loko. Ngetulu kwaloko, Nekho bekatiyela eKhakhemishi, ayokulwa ‘nendlu lebekacabene nayo,’ hhayi iJerusalema. Ligama laJehova belingatsintseki nje kuloku ngobe Nekho akazange sekamtfuke Jehova nobe bantfu bakhe. Ngako bekusincumo lesibi ngaJosaya kutsi ayokulwa naNekho. Sikhona yini sifundvo lesisitfolako kuloku? Nangabe sibheke nenkinga, sitabe senta kahle ngekucale sicabange ngaloko lokufunwa nguNkulunkulu.
17 Nangabe sisenkingeni, kufanele sicabange ngetimiso letiseBhayibhelini futsi sitisebentise ngendlela lefanele. Ngalesinye sikhatsi singacela nelusito kubazalwane labadzala ebandleni. Kungenteka sesicabangile ngalesikwatiko ngaleyondzaba futsi kungenteka sesicwaningile ngayo etincwadzini tetfu. Nanobe kunjalo, kungahle kube naletinye timiso letiseBhayibhelini lesingatisebentisa, ngako lomdzala welibandla angasisita sibone kutsi singatisebentisa njani. Asesitsi lomunye dzadze uyati kutsi kufanele ashumayele tindzaba letimnandzi. (Imis. 4:20) Kungenteka ngalelinye lilanga ahlele kutsi utawuya kuyoshumayela, kodvwa indvodza yakhe lengasiye Fakazi ifune kutsi abe sekhaya ngalelolanga. Umtjela kutsi kadze bagcina kuba ndzawonye, ngako utsi angatsandza bente lokutsite ndzawonye njengemndeni ngalelo langa. Lodzadze kungenteka akhumbule emavesi latsite lakhuluma ngekulalela Nkulunkulu kanye nalakhuluma ngemyalo wekwenta bantfu babe bafundzi. (Mat. 28:19, 20; Imis. 5:29) Ngesikhatsi lesifanako kufanele acabange ngekutsi umfati kufanele atitfobe endvodzeni yakhe futsi ayicabangele. (Ef. 5:22-24; Fil. 4:5) Kambe ngabe lendvodza yakhe iyamalela yini kutsi ashumayele nobe nje imane imcela kutsi bente lokutsite ndzawonye ngalelo langa? Kufanele silinganisele njengobe setama kwenta loko lokufunwa nguNkulunkulu futsi silwele kuba nanembeza lomuhle.
JUNE 26–JULY 2
UMCEBO LOSEVINI LANKULUNKULU | EZRA 1-3
“Vumela Jehova Akusebentise”
Uyakubona Yini Loko Lokwabonwa NguZakhariya?
EMAJUDA bekajabule kakhulu. Jehova Nkulunkulu ‘bekatsintse inhlitiyo yaKhuresi inkhosi yasePheresiya’ kutsi akhulule ema-Israyeli lebesekuphele iminyaka leminyenti atfunjwe eBhabhulona. Lenkhosi beyikhiphe simemetelo sekutsi emaJuda akabuyele eveni lawo futsi “avusetele indlu yaJehova Nkulunkulu wema-Israyeli.” (Ezra 1:1, 3) Lesimemetelo sawajabulisa kakhulu! Loko bekusho kutsi emaJuda bekatawuphindze akhonte Nkulunkulu weliciniso eveni lawo.
Tincola Kanye Nemchele Kungasivikela Njani?
2 Zakhariya bekati kutsi emaJuda labuyela eJerusalema bekanekukholwa. ‘Nkulunkulu watsintsa tinhlitiyo tabo’ kute bashiye emkhaya abo nemabhizinisi abo. (Ezra 1:2, 3, 5) Bashiya indzawo lebebayetayele futsi labanyenti babo bebangayati lendzawo lebebaya kuyo. Nangabe kwakha kabusha lithempeli laJehova bekungakabaluleki kuwo, bekangeke atsatse loluhambo lolungemakhilomitha langu-1600 endzaweni lelihlane.
Kufunisisa Umcebo EVini LaNkulunkulu
w06-ZU 1/15 19 ¶1
Amaphuzu Avelele Encwadi Ka-Ezra
1:3-6. Njengamanye ama-Israyeli asala eBhabhiloni, abaningi boFakazi BakaJehova abanakukwazi ukungenela inkonzo yesikhathi esigcwele noma bakhonze lapho indingeko inkulu khona. Noma kunjalo, bayaqhubeka besekela futhi bekhuthaza labo abakwaziyo ukwenzenjalo futhi ngokuzithandela bayanikela ukuze kuthuthukiswe umsebenzi wokushumayela ngoMbuso nokwenza abafundi.