AUGUST 5-11

UMCEBO LOSEVINI LANKULUNKULU

1. ‘Tjela Situkulwane Lesitako’ Ngemandla ANkulunkulu

(10 imiz.)

Davide wavikelwa nguJehova asesemusha (Hl 71:5; w99-ZU 9/1 18 ¶17)

Jehova wachubeka asekela Davide ngisho sekakhulile (Hl 71:9; g04-ZU 10/8 23 ¶3)

Davide wakhutsata labasebasha ngekutsi abacocele ngaloko lokwenteka kuye (Hl 71:17, 18; w14 1/15 23 ¶4-5)

Umndeni lovele encenyeni letsi “Ticondziso Tekukhonta Kwemndeni” evikini leliphelile. Bameme labashadene lasebakhulile kutsi babe nabo ekukhonteni kwemndeni futsi balalele njengobe babakhombisa titfombe futsi babacocela ngaloko lokwentekile kubo.

TIBUTE: ‘Ngumuphi umzalwane nobe dzadze losanesikhatsi lesidze akhonta Jehova longatsandza kucoca naye eKukhonteni Kwemndeni?’

2. Kufunisisa Umcebo EVini LaNkulunkulu

(10 imiz.)

Hl 72:8—Setsembiso saJehova lesikuGenesisi 15:18 sagcwaliseka njani ngesikhatsi kubusa iNkhosi Solomoni? (it-1-E 768)

Bhala imphendvulo yakho
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?

Bhala imphendvulo yakho

3. Kufundvwa KweliBhayibheli

(4 imiz.) Hl 71:1-24 (th sifundvo 5)

TIMISELE EMSEBENTINI WEKUSHUMAYELA

4. Kucalisa Incociswano

(3 imiz.) EMTINI NGEMUTI. Lomuntfu nakacala kuphikisana nawe, yephetsa lencociswano ngemoya lophansi. (lmd sifundvo 4 liphuzu 5)

5. Kubuyela Kulesicoce Naye

(4 imiz.) KUSHUMAYELA UNGAKAHLELI. Cedzela incociswano lowayicala nesihlobo sakho, kepha bese siyangabata kutsi usichubele sifundvo seliBhayibheli. (lmd sifundvo 8 liphuzu 4)

6. Chaza Loko Lokukholelwako

(5 imiz.) Inkhulumo. ijwfq 49—Sihloko: Yini Leyente BoFakazi BaJehova Bashintja Lokunye Lebebakukholelwa? (th sifundvo 17)

KUPHILA KWEMAKHRISTU

7. Leningakwenta EKukhonteni Kwemndeni

(15 imiz.) Coca nelibandla.

Lomndeni usukumile futsi uphrakthiza ingoma yeMbuso.

Lomndeni ubukela luhlelo lweMsakato we-JW.

Yinye yalamadvodzakati kulomndeni iphendvula lomake njengobe baphrakthiza ekukhonteni kwemndeni.

Kukhonta Kwemndeni sikhatsi lesikahle sekutsi bantfwana bafundze ‘ngesiyalo nangesicondziso saJehova.’ (Efe 6:4) Kufundza kumatima, kodvwa kubese kuba mnandzi, ikakhulukati nangabe bantfwana sebacale kuba nesifiso lesengetiwe sekwati emaciniso laseBhayibhelini. (Joh 6:27; 1Ph 2:2) Buketani lelibhokisi lelitsi “Leningakwenta EKukhonteni Kwemndeni” lelingasita batali kutsi bente Kukhonta Kwemndeni kufundzise futsi kujabulise, bese nicoca ngalemibuto lelandzelako:

Ngukuphi longatsandza kukwenta lokukulelibhokisi?

Bhala imphendvulo yakho
Kukhona yini lokunye lokutfolile lokulusito?

Bhala imphendvulo yakho

LENINGAKWENTA EKUKHONTENI KWEMNDENI

LOKUMAYELANA NELIBHAYIBHELI:

Lalelani kufundvwa kweliBhayibheli kwangaleloviki nobe nitifundzele. Nanisafundza, lilunga ngalinye lemndeni lingakhetsa kutsi litawuba ngubani kuleyondzaba bese lifundza emavi akhe
Lungiselelani imibuto lemayelana nekufundvwa kweliBhayibheli kwangaleloviki. Lilunga lemndeni ngalinye lingakhetsa umbuto munye futsi licwaninge ngawo. Ningabese niyacoca ngaloko lenikufundzile
Khetsani umbuto nobe nisho simo lesingahle senteke, bese nisebentisa incwadzi letsi ImiBhalo Lecondzisa Kuphila KwemaKhristu kuze nicwaninge ngetimiso teliBhayibheli letihambisana naleso simo nobe letiphendvula lombuto
Yentani idrama lemayelana nendzaba leseBhayibhelini
Yentani likhadi lelinelivesi linye njalo ngeliviki, nifake emavesi lafana nalawo latfolakala kusandzisanchazo A sencwajana letsi Tsandza Bantfu—Wente Bafundzi, bese netama kulibamba ngenhloko. Ngaletinye tikhatsi ningacoca ngemakhadi leniwente emavikini lendlulile
Dadishani incenye letsite yencwadzi letsi Jabulela Kuphila Kuze Kube Phakadze!
Niketani lilunga lemndeni umsebenti wekufundza aphindze anitjele ngesihloko lesisencenyeni letsi “Timphendvulo Temibuto Lemayelana NeliBhayibheli” nobe letsi “Amavesi EBhayibheli Ayachazwa,” lokutfolakala encenyeni letsi TIMFUNDZISO LETISEBHAYIBHELINI ku-jw.org

LOKUMAYELANA NEMIHLANGANO:

Lungiselelani incenye letsite yemhlangano welibandla
Lungiselelani timphendvulo niphindze nitiphrakthize. Cinisekani kutsi nilungiselela timphendvulo letimfisha
Phrakthizani tingoma teMbuso
Cocani niphindze niphrakthize ngaloko leningakusho kuze nikhutsate lotsite ngaphambi nobe ngemuva kwemhlangano
Nangabe lilunga lemndeni litawuba nenkhulumo kulencenye yetinkhulumo tebafundzi, yilungiseleleni njengemndeni

LOKUMAYELANA NEMSEBENTI WEKUSHUMAYELA:

Lungiselelani loko lenitakusho naniyoshumayela emtini ngemuti
Lungiselelani loko lenitakusho nanibuyela kulabo lenicoce nabo
Lungiselelani kushumayela ningakahleli ngekutsi niphrakthize kutsi ningayicalisa njani incociswano ngendlela lenebungani
Cocani ngaloko leningakwenta kuze nente lokunyenti emsebentini wekushumayela ngesikhatsi seSikhumbuto nobe ngesikhatsi semaholidi

LOKUMAYELANA NETIDZINGO TEMNDENI:

Phrakthizani kutsi ningasisingatsa njani simo lesitsite lesivelile nobe lesingahle sivele, kungaba simo lesifaka ekhatsi kungalutsatsi luhlangotsi, kuhlushwa bontsanga, kutsandzana nalotsite, nobe kugubha emaholidi
Shintjanani, batali babe bantfwana, bantfwana babe batali. Bantfwana bangacwaninga ngesihloko lesitsite bese babonisana nebatali babo

LOKUNYE LENINGAKWENTA:

Bukelani luhlelo lweMsakato we-JW bese nicoca ngalo
Fundzani sihloko nobe nibukele i-video ku-jw.org, bese nicoca ngako
Cocani ngalokutsite lokutfolakala kulencenye letsi “Bantfu Labasha” nobe “Bantfwana” lokutfolakala encenyeni letsi TIMFUNDZISO LETISEBHAYIBHELINI ku-jw.org
Cocani ngemaphuzu leniwatfole emhlanganweni wesifundza nobe wesigodzi
Bukisisani nobe nicwaninge ngendalo letsite, bese nicoca ngekutsi inifundzisani ngaJehova
Ngaletinye tikhatsi ningamema lotsite longanikhutsata futsi nimbute imibuto
Tibekeleni imigomo lephatselene nekukhonta Nkulunkulu futsi nicoce ngekutsi yini leningayenta kuze ifezeke
Yakhani lokutsite, nidvwebe libalave nobe lishadi

Dlala i-VIDEO letsi Chubeka Wenta Kukhonta Kwemndeni Kujabulise, bese ubuta lombuto:

Nangabe labashadene bete bantfwana, indvodza ingakwenta njani kukhonta kwemndeni kujabulise?

Bhala imphendvulo yakho

8. Sifundvo SeliBhayibheli Selibandla

(30 imiz.) bt sehl. 13 ¶17-24